जनै नलागउनेहरुले धर्मका कुरा गर्न मिल्दैन : रामचन्द्र पौडेल

कांग्रेस बरिष्ठ नेता रामचन्द्र पौडेलले, प्रधानमन्त्री केपी शर्मा ओलीले हालै पशुपतिनाथ मन्दिरमा गरेको पूजाआजातर्फ लक्षित गर्दै जनै नलागउनेहरुले धर्मका कुरा गर्न मिल्दैन भनेर, आफुले लगाएको जनै निकालेर देखाएका छन ।

धर्मका कुरा गर्ने नेताहरूले नै जनै लगाएका छन् कि छैनन् भन्ने पनि उनले प्रश्न गरेका छन्।

अहिले धर्मका नाममा जुन नेताहरू हिँड्नु हुन्छ नि, खोलेर हेर्ने हो भने त्यहाँ जनै पनि छैन होला,’ कांग्रेस रामपुर नगर कार्यसमितिले शुक्रबार गरेको कार्यकर्ता भेटघाटमा पौडेलले भने, ‘मैले त जनै लगाएको छु। मसँग जनै छ।

म हिन्दु हो, म पूजापाठ गर्छु। त्यो मेरो आस्था हो। तर म यसलाई राज्यमा लगेर राख्न चाहन्न। अरू धर्ममाथि म यो थुपार्न चाहन्न।’

उनले प्रधानमन्त्री ओलीले राजीनामा दिनुपर्ने पनि बताएका छन्।