सडकबाट प्रचण्डको गर्जन, फागुन पहिलो साताबाट जनआन्दोलन सुरु हुन्छ

नेपाल कम्युनिष्ट पार्टी नेकपा दाहाल नेपाल समूहको आम हड्ताल प्रभावकारी बनाउन अध्यक्ष पुष्पकमल दाहाल सातदोबाटोको सडकमा पुगेका छन।

आन्दोलन अझ सशक्त पार्ने भन्दै दाहालले फागुनको पहिलो हप्ताबाट जनआन्दोलन सुरु हुने बताएका छन । २८ गते विशाल प्रदर्शन गर्नेछौं, उनले भने, त्यसपछि फागुन पहिलो साता जनआन्दोलन सुरु हुन्छ ।
प्रतिनिधिसभा विघटन र संवैधानिक निकायहरुमा भएको नियुक्तिको विरोधका नेकपा दाहाल समूह आन्दोलनमा छ । आज दाहाल नेपाल समूहले देशव्यापी आम हड्तालको आयोजना गरेको छ ।

हड्ताल सफल बनाउन भन्दै दाहाल सडकमा निस्किएका हुन । दाहाल सातदोबाटो पुग्दा प्रदर्शनकारीले प्रधानमन्त्री केपी ओलीविरुद्ध नारा लगाएका थिए । दाहालले पनि नारा लगाउन साथ दिएका थिए ।