एम्बाप्पे भए रियल म्याड्रिडसँग आवद्ध

फ्रान्सका कप्तान तथा स्टार खेलाडी किलीयन एम्बाप्पेले रियल म्याड्रिडसँग औपचारिक सम्झौता गरेका छन् । गत महिनानै एम्बाप्पेलाई भित्र्याउने घोषणा गरेको रियल म्याड्रिडले आज औपचारिक सम्झौता गरेको हो ।

एम्बाप्पेलाई रियल म्याड्रिडले स्टेडियममा आफ्नो फ्यानहरुको माझ प्रस्तुत गरेको छ । उनी आजै मेडिकल पास समेत भएका थिए ।

म्याड्रिडले उनलाई १५० मिलियन साइनिङ अमाउन्ट दिएको अन्तर्राष्ट्रिय खेल मिडियाको दाबी छ । फ्री ट्रास्परमा एम्बाप्पेलाई भित्राएपनि क्लबले साइनिङ अमाउन्ट दिएको बताइएको छ ।

रियल म्याड्रिडले उनलाई वार्षिक १५ मिलियन युरो दिने बताइएको छ । यो उनलाई पिएसजिले दिएको रकम भन्दा बार्षिक १० मिलियनले कम हो । एम्बाप्पेले रियल म्याड्रिडमा उनले रियल म्याड्रिडमा ९ नम्बरको जर्सी लगाउने भएका छन् ।

२०१७ मा फ्रेन्च क्लब मोनाकोबाट लोनमा पिएसजी पुगेका एम्बाप्पे २०१८ देखि पिएसजीको नियमित खेलाडी थिए ।