एन प्याब्सन काठमाडौँको सहसचिवमा सम्झना लामाको उम्मेदवारी

काठमाडौँ । राष्ट्रिय निजी तथा आवासीय विद्यालय एसोसिएसन नेपाल (नेसनल प्याब्सन) काठमाडौँ जिल्लाको सहसचिवमा सम्झना लामाले उम्मेदवारी घोषणा गरेका छन् । अधिवेशन हुने मिति भदौ २७ गते नजिकिँदै गर्दा लामाले उम्मेदवारी घोषणा गरेका हुन् ।

नेसनल प्याब्सन काठमाडौँ जिल्लाको वर्तमान कार्यसमितिमा सदस्य भएर उनले काम गरिरहेका छन् ।

यस्तै, निजी विद्यालयहरूको भेगिय सङ्गठनहरू माफ, जिसाका लगायतमा सचिव एवं उपाध्यक्ष पदसम्मको जिम्मेवारी बहन गरिसेका छन् । नेसनल प्याब्सन काठमाडौँ जिल्ला परीक्षा विभागको पूर्व सदस्य समेत रहेका उनी विगत डेढ दश भन्दा बढी समय निजी विद्यालयमा क्रियाशील छन् ।

शिक्षा क्षेत्रमा क्रियाशील रहेका लामा नेसनल प्याब्सनिष्टहरुको बिचमा मात्रै होइन, समग्र शिक्षा क्षेत्रमा परिचित नामको रूपमा रहेका छन् ।

एभिएस स्कुल तथा कलेका बोर्ड अफ डाइरेक्टर समेत रहेका लामा भन्छन्, ‘सभ्य तथा परिणाममुखी नेसनल प्याब्सन निर्माणका लागि नेसनल प्याब्सनलाई प्राज्ञिक बहसको प्लेटफर्मको रूपमा विकास गर्ने तथा निजी विद्यालय मैत्री नीति निर्माणमा नेसनल प्याब्सनको भूमिका सुनिश्चित गर्न भूमिका खेल्ने, विद्यार्थी, शिक्षक तथा अभिभावकको हितलाई केन्द्रमा राखेर सिर्जनात्मक क्रियाकलापका साथ नेसनल प्याब्सनलाई क्रियाशील बनाउने उद्देश्य राखेको छु ।’