सोमबार, माघ २३ २०७९
ताजा अपडेट

रोनाल्डोले क्लब छाडेपछि झनै कडा बनेर निस्किए रासफोर्ड, गरे निर्णायक गोल !


  • KTM Khabar
  • आइतबार, पुष १७ २०७९
1.4K
SHARES

फाइल तस्विर

एजेन्सी । पोर्चुगलका स्टार फरवार्ड क्रिष्टियानो रोनाल्डोले क्लब छाडेपछि झनै कडा बनेर निस्किएका छन् म्यानचेस्टर युनाइटेडका फरवार्ड मार्कस रासफोर्ड । रोनाल्डोले म्यानचेस्टर युनाइटेड क्लब छाडेर अहिले साउदी क्लब अल नासरमा अनुबन्धित भएका छन् । त्यसपछि रासफोर्डले लगातार गोल गर्दै युनाइटेडलाई जित दिलाउन सफल भएका छन् ।

विश्वकपपछि सुरु भएको इंग्लिस प्रिमियर लिग (ईपीएल) अन्तर्गत भएको खेलमा रासफोर्डले लगातार गोल गर्न सफल भएका हुन् । रोनाल्डोपछि चम्कने खेलाडीको रूपमा लिइएको रासफोर्डले त्यो सम्भावनालाई देखाएका छन् ।

गए राति भएको खेलको अन्त्यतिर मार्कस रासफोर्डले गोल गरेपछि म्यानचेस्टर युनाइटेडले इंग्लिस प्रिमियर लिगमा वल्भ्सलाई पराजित गर्न सफल भएको छ । पाहुना टोली युनाइटेडले वल्भ्सलाई उसकै मैदानमा पराजित गरेको हो ।

युनाइटेडको जितमा रासफर्डले दोस्रो हाफको ७६औं मिनेट गरेको गोल नै निर्णायक बन्यो । उक्त गोलमा ब्रुनो फर्नान्डेसको पासमा गोल गर्न सफल भएका थिए ।

मोलिनेअक्स स्टेडियम वल्भ्समा शनिबार राति भएको प्रतिस्पर्धात्मक खेलमा वल्भ्सले केही अवसर पाएपनि गोल गर्न सकेनछ ।

प्रिमियर लिगमा युनाइटेडको यो लगातार तेस्रो जित हो । यसअघि इएफएल कपमा युनाइटेडले च्याम्पियनसिप क्लब बर्नलेलाई २–० ले पराजित गरेको थियो । यस्तै, नटिङहम फरेस्टलाई ३–० ले पराजित गरेको थियो । तिन वटै खेलमा रासफोर्डले गोल गर्न सफल भएका छन् ।

यो जितसँगै युनाइटेड १६ खेलबाट ३२ अंक जोडेर चौथो स्थानमा उक्लिएको छ । पराजित वल्भ्स १३ अंक जोडेर १९औं स्थानमा रहेको छ ।


खुशी मिडिया प्रा.ली. द्धारा सञ्चालित KTMKHABAR लाई नेपाली र अंग्रेजी संस्करणबाट पढ्न, हेर्न र सुन्न सक्नुहुनेछ । एप्सबाट सिधा समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुक, युटुब र ट्वीटरमा पनि हामिसंग जोडिन सक्नुहुनेछ ।


प्रतिक्रिया
सम्बन्धित समाचार

यो साता चर्चामा