मंगलबार, माघ २४ २०७९
ताजा अपडेट

फुटबल जगतको ‘जनजनको मनमन’मा बसेका एमबाप्पे फेरी चम्किए, नेइमारले पाए रातो कार्ड !


  • KTM Khabar
  • बिहिबार, पुष १४ २०७९
2.1K
SHARES

एजेन्सी । फिफा विश्वकप कतार २०२२ मा उत्कृष्ट लयमा देखिएका फान्सका युवा फरवार्ड किलीयन एमबाप्पे फुटबल फ्यानहरुको मनमनमा बसेका छन् । यस पटकको विश्वकप फुटबलमा विशेष चर्चामा रहेका एमबाप्पे आफु आबद्ध क्लब पिएसजीमा फर्किएपछि पनि चम्किएका छन् । खेलमा उनी चम्किएसंग पिएसजीलाई २–१ को जित निकाल्न सफल भए ।

फ्रान्सेली लिग वनमा स्ट्रासबर्गविरुद्ध बुधबार भएको खेलमा पिएसजीले २–१ को जित निकाल्न सफल भएको हो । जुन जितका लागि एमबाप्पेले निर्णायक गोल गर्न सफल भए ।

खेलको १४औं मिनेटमा मार्किन्हसले गोल गर्दै पिएसजीलाई १–० को अग्रता दिलाए । उनले नेयमारको फ्रिकिकलाई हेडरमार्फत बललाई पोस्टको दिशा दिएका थिए ।

खेलको ५१औं मिनेटमा मार्किन्हसले आत्मघाती गोल गरेपछि खेल १–१ गोलको बराबरीमा आयो । एड्रिएन थोमासनको क्रस मार्किन्हसलाई डिफ्लेक्ट हुँदा गोलरक्षक जियानलुइजी डोन्नररुम्माले बचाउन सकेनन् ।

यस्तै, खेलको ६१औँ मिनेटमा पिएसजीका फरवार्ड नेयमारले रातो कार्ड पाएसंगै पिएसजी १० खेलाडीमा सिमित बन्यो । दुई मिनेटको अन्तरमा दोहोरो पहेलो कार्ड खाँदै नेयमार मैदानबाट बाहिरिँदा पिएसजी खेलमा दवावमा परेको थियो । पेनाल्टी बक्समा अनावश्यक डाइभ गरेको भन्दै रेफ्री क्लेमेन्ट टुर्पिनले दोस्रो पहेंलो कार्डसहित रातो कार्ड देखाए ।

नेयमारले रातो कार्ड पाउँदा खेल १–१ को स्थितिमा थियो । नेयमार बाहिरीएपछि १० खेलाडीमा समेटिएपनि पिएसजीले पाहुना टोलीमाथि लगातार दवाव सिर्जना गरिरह्यो ।

त्यसपछि इन्ज्युरी समयको थप गरिएको छैटौं मिनेटमा एमबाप्पेले पेनाल्टी मार्फत गोल गर्दै पिएसजीलाई २–१ को सनसनीपूर्ण जित दिलाए ।

पेनाल्टी बक्समा आँफैलाई न्याम्सीले फउल गरेपछि रेफ्रीले पिएसजीलाई पेनाल्टी प्रदान गर्दा एमबाप्पे उक्त अवसरमा चुकेनन् ।

यो जितसँगै शीर्षस्थानमा रहेको पिएसजीको १६ खेलबाट ४४ अंक पुगेको छ । एक खेल कम खेलेको दोस्रो स्थानमा रहेको लेन्सको ३६ अंक छ । भने पराजित स्टार्सवर्ग ११ अंक जोडेर १९औं स्थानमा छ ।


खुशी मिडिया प्रा.ली. द्धारा सञ्चालित KTMKHABAR लाई नेपाली र अंग्रेजी संस्करणबाट पढ्न, हेर्न र सुन्न सक्नुहुनेछ । एप्सबाट सिधा समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुक, युटुब र ट्वीटरमा पनि हामिसंग जोडिन सक्नुहुनेछ ।


प्रतिक्रिया
सम्बन्धित समाचार

यो साता चर्चामा