अर्जेन्टिनाको खेलमा कार्ड वर्षा गराएका रेफ्री माथि एक्सनमा उत्रियो फिफा, यस्तो बोल्ड निर्णयले खिच्यो फुटबल जगतको ध्यान !

एजेन्सी । कतारमा जारी फिफा विश्वकप फुटबलमा कार्ड बर्षा गराएका रेफ्री माटेउ लाहोजमाथि फुटबलको सर्वोच्च संस्था फिफा एक्सनमा उत्रिएको छ । फिफाको यस्तो निर्णयले अर्जेन्टिनाका समर्थकले सान्त्वना पाएको महसुस गरेका छन् ।

क्वार्टरफाइनल चरणमा अर्जेन्टिना र नेदरल्यान्ड्सको चर्चित खेल खेलाउने रेफ्री लाहोजलाई फिफाले घर फर्काएको हो ।

स्पेनिस रेफ्री लाहोजले कार्डको वर्षा गरेपछि उनको आलोचना भएको थियो । फिफाले अब उनलाई विश्वकपका बाँकी खेलमा थप जिम्मेवारी नदिने भन्दै उनलाई घर फर्काएको हो । विश्वकपमा अब मात्रै ४ खेल बाँकी छन् ।

लाहोज स्पेन फर्किएको अन्तर्राष्ट्रिय सञ्चारमाध्यमले जनाएका छन् । अर्जेन्टिना र नेदरल्यान्ड्सको तनावपूर्ण खेल दौरान उनले कार्डको वर्षा गरेका थिए । उनको धेरै आलोचना भएको थियो । क्वाटरफाइनलको उक्त खेलमा खेलाडी र प्रशिक्षक गरी जम्मा १७ वटा पहेंलो कार्ड देखाएका थिए ।

अर्जेन्टिनाका कप्तान लिओनल मेस्सीले खेलपछि भनेका थिए, ‘मलाई लाग्छ, फिफाले रेफ्री लाहोज बारे सोच्नुपर्छ । विश्वकप जस्तो प्रतियोगिताको महत्त्वपूर्ण खेलमा यस्तो किसिमको रेफ्री राम्रो थिएन । जसले धेरै खराब निर्णय दियो । मलाई आशा छ, फिफाले यसबारे आवश्यक कारबाही गर्नेछ । हामी यस्तो खेलमा त्यस्तो रेफ्रीको अपेक्षा गर्न सक्दैनौं ।’

नेदरल्याण्ड्ससंगको खेलमा अर्जेन्टिनामा प्रशिक्षक लियोनल स्कालोनीले पनि पहेंलो कार्ड पाएका थिए । अर्जेन्टिनाका ८ खेलाडीले पहेंलो कार्ड पाएका थिए ।

यस्तै, नेदरल्यानड्सका ८ जनाले पहेंलो र एक रातो कार्ड पाएका थिए ।

जम्मा १७ वटा पहेंलो कार्ड झरेको सो खेललाई विश्वकपको इतिहासकै सबैभन्दा विवादित खेल मानिएको छ । यसअघि विश्वकपका कुनै पनि खेलमा १७ वटा कार्ड देखाइको थिएन ।

अर्जेन्टिना र नेदरल्याण्ड्सको क्वाटरफाइनल चरणको खेलमा निर्धातरित समयमा २–२ गोलको बराबरीमा सकिएपछि खेल टाइब्रेकरमा पुगेको थिया । अर्जेन्टिनाले ४–३ को जित निकालेको थियो ।