रोकिएन पोर्चुगलको गोल बर्षा, बेञ्चमा बसेका रोनाल्डो नै परे चकित !

फिफा विश्वकप कतार २०२२ अन्तर्गत अन्तिम १६ चरणको अन्तिम खेलमा पोर्चुगल र स्विट्जरल्यान्डबिचको खेल अहिले भइरहेको छ । अहिलो दोश्रो हाफको खेल भइरहेको छ । यो समाचार तयार पार्दासम्म ६९ मिनेटको खेल भइरहेको छ ।

पोर्चुगलका स्टार खेलाडी क्रिस्टियानो रोनाल्डो बेञ्चमा छन् । तर, उनी नै चकित हुने गरे पोर्चुगलले गोल बर्षा गरिरहेको छ । पहिलो हाफमा दुई गोलको अग्रता लिएको पोर्चुगलले दोश्रो हाफको यो समयसम्म आइपुग्दासम्मा ५ गोल गरिसकेको छ । भने स्विट्जरल्यान्डले सान्त्वना गोल फर्काएको छ ।

गजबको कुरा के छ भने कप्तान क्रिस्टियानो रोनाल्डोलाई बेन्चमा राखेको पोर्चुगलले उनकै स्थानमा खेलिरहेका फरवार्ड गोन्कालो रामोसको ३ गोल गर्न सफल भएका छन् । उनले १७औँ, ५१औँ र ६६औँ मिनेटमा गोल गर्दै ह्याट्रिक गरेका हुन् ।

कार्यवाहक कप्तान पेपेले ३३ औं मिनेटमा अग्रता दोब्बर पारे । ब्रुनो फर्नान्डेसको कर्नरमा पेपेले ६ यार्ड बक्स भित्रबाट हेडरमार्फत गोल गरेका थिए ।
यस खेलमा जित हासिल गरे पोर्चुगलले क्वाटरफाइनलमा मोरक्कोको सामना गर्नेछ । मोरक्कोले अन्तिम १६ को खेलमा स्पेनलाई टाइब्रेकरमा ३–० ले पराजित गरेको थियो ।