पहिलो हाफमै ब्राजिलले गर्यो कमालको गोल वर्षा, देखियो दक्षिण कोरियाको केही नचल्ने संकेत !

कतार । कतारमा जारी फिफा विश्वकप फुटबल अन्तर्गतको अहिले ब्राजिल र दक्षिण कोरियाविचको खेल चलिरहेको छ । अन्तिम ८ मा पुग्नका लागि यी दुई टिम कडा प्रतिस्पर्धा गरिरहेका छन् ।

नेपाली समय अनुसार पौने १ बजेबाट खेल सुरु भएको छ । यो समाचार तयार हुँदासम्म अहिले पहिलो हाफको खेल सकिएको छ ।

खेलको केही मिनेटमा नै ब्राजिलका लागि भिनिसियसले पहिलो गोल गर्न सफल भए । खेलको सातौँ मिनेटमा उनले गोल गरेका हुन् ।

खेलको १३ औँ मिनेटमा नेयमारले गोल गर्न सफल भए । ब्राजिलले पेनाल्टी पाएको थियो । सो पेनाल्टीलाई सदुपयोग गर्दे नेयमारले गोल गर्न सफल भएका हुन् । पहिलो हाफको खेलमा ब्राजिलले दक्षिण कोरियालाई ४ गोल गर्न सफल भएका छन् ।

खेलको २९औँ मिनेटमा ब्राजिलका रिचार्लीसनले गोल गर्न सफल भएका छन् । यस्तै, खेलको ३६औँ मिनेटमा ब्राजिलका लुकास पाक्वेटाले गोल गर्दै चौथो गोलको अग्रता दिएका छन् ।

पहिलो हाफमै ४–० गोलको पराजय ब्यहोरेको दक्षिण कोरिया कमजोर सावित बनेको छ । बाकी दोश्रो हाफमा गोल फर्काउन सफल होला वा हार व्यहोर्ने हो । त्यो भने हेर्न बाकी छ, दोश्रो हाफको खेल केही बेरमा नै सुरु हुनेछ ।