देउवा विरुद्ध उठेका सागर ढकालले चुनाव चिन्ह पाएपछि झनै चुलियो चर्चा, दिए यस्तो कडा प्रतिक्रिया !

काठमाडौं । प्रधानमन्त्री तथा नेपाली कांग्रेसका सभापति शेर बहादुर देउवा विरुद्ध प्रतिनिधिसभा सदस्यका लागि उम्मेदवारी दिएका ई. सागर ढकालले चुनाब चिन्ह पाएपछि ब्याक टु ब्याब समर्थन पाइरहेको छन् । अहिले उनको सामाजिक सञ्जालदेखि चिया चौतारीसम्ममा चाँसो बढेको छ ।

सभापति देउवाविरुद्ध उम्मेदवारी दिएका सागर ढकालले चुनाव चिह्न सुई पाएका हुन् ।
केही वर्ष अगाडि एक टेलिभिजन कार्यक्रममा शेरबहादुर देउवालाई प्रश्न गर्दा उनले हप्काई खाएका थिए । अहिले ढकालले उनै देउवाको क्षेत्रमा उम्मेदवारी दिएका हुन्।

‘मैले सोचेर नै सुई चुनाव चिह्न लिएको हुँ,’ चुनाव चिह्न पाएपछि ढकालले भने, ‘देश बिरामी छ, अब सुई लगाउनु पर्छ। देशलाई अब एक डाक्टरको खाँचो छ भनेर साङ्केतिक रूपमा उक्त चिह्न लिएको हुँ।’

उनले अब राजनीतिमा पनि सुइँको आवश्यकता रहेको बताए। ढकालले भने, ‘अब शेरबहादुर देउवा, केपी ओली, प्रचण्ड लगायतका नेतालाई सुई लगाउनु प¥यो। डडेल्धुराका जनताले पनि देउवालाई सुई लगाइदिन्छन्।’