आइतबार, असोज १६ २०७९
ताजा अपडेट

दोश्रो हर्क साम्पाङ भएर उदाए हरिवनका मेयर बुढाथोकी, गरे अर्को उदाहरणीय काम !


  • KTM Khabar
  • आइतबार, साउन २९ २०७९
14.6K
SHARES

काठमाडौँ – साना–साना तर जनतासँग प्रत्यक्ष जोडिएका कामहरु गरेर चर्चामा छन् धरान उपामहानगरपालिकाका मेयर हर्क साम्पाङ । अरु मेयरहरुले पनि उनको कामलाई पच्छ्याउन थालेका छन् । सर्लाहीको हरिवन नगरपालिकाका मेयर रमेश बुढाथोकीलाई दोश्रो हर्क साम्पाङ भन्न थालिएको छ ।

बुढाथोकी स्थानीयबासीसँगै सडक निर्माणमा खटिएका छन्। शनिबार बिहान मेयर बुढाथोकीसँगै श्रमदान गरेर स्थानीयले सर्लाहीको हरिवन नगरपालिका र सिन्धुलीको हरिहरपुरगढी गाउँपालिका जोड्ने ग्रामीण सडक पुनर्निर्माण गरेका हुन्।

हरिवन नगरपालिका–८ फेदी भएर बग्ने कैलाशपुरी खोलाले बगाएको झण्डै ४० मिटर सडक मेयर बुढाथोकीको नेतृत्वमा पुनर्निर्माण गरिएको हो। सडक निर्माणमा मेयर बुढाथोकीसँगै स्थानीयले दुई घण्टा श्रमदान गरेका छन्।

श्रमदानमा माओवादीकी केन्द्रीय सदस्य माया वलसहितका नेता कार्यकर्तासँगै झण्डै ५० जना स्थानीय खटिएका थिए। मेयर बुढाथोकीले जनश्रमदानलाई प्राथमिकतामा राखेर नगर क्षेत्रमा विकास निर्माणका काम अघि बढाइने बताए।

‘यहाँ बाढीले सडक बगाउँदा सवारी साधन चलाउनै नहुने अवस्था थियो,’ मेयर बुढाथोकीले भने, ‘हामीले हिजो साँझ जनश्रमदान गरेर सडक निर्माण गर्ने सल्लाह गरेका थियौँ। हामी सबैजना लागिपर्दा बाढीले बगाएको सडक आज पुनर्निर्माण भएको छ।’

उनले प्रत्येक साताको शनिबार जनश्रमदानबाट नगर क्षेत्रमा विकास निर्माणका काम गर्ने योजना नगरपालिकाले बनाएको जानकारी दिए। ‘अब हामी प्रत्येक शनिबार कुनै न कुनै विकास निर्माणका काम जनश्रमदानबाट गर्ने छौँ,’ मेयर बुढाथोकीले भने, ‘यसबाट नागरिकमा श्रमको सम्मान गर्ने परिपाटीको विकास हुन्छ। नगरपालिकाको खर्च पनि घट्छ। विकास निर्माणमा स्थानीयको सहभागिताले उनीहरुमा विकासमा संरचनामा अपनत्वको पनि महसुस हुन्छ।’

सर्लाहीको हरिवनबाट सिन्धुलीको क्यानेश्वर जोड्ने करिब १५ किलोमिटर लामो ग्रामिण सडक २० वर्षअघि नै निर्माण भए पनि अझै स्तरोन्नती भएको छैन। बर्खाको बेला बाढी र पहिरो जाँदा सडकमा सवारी साधन सञ्चालनमा समस्या हुँदै आएको छ। १५ किमी सडकको १३ किमी भाग चुरे क्षेत्रमा पर्छ।


खुशी मिडिया प्रा.ली. द्धारा सञ्चालित KTMKHABAR लाई नेपाली र अंग्रेजी संस्करणबाट पढ्न, हेर्न र सुन्न सक्नुहुनेछ । एप्सबाट सिधा समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुक, युटुब र ट्वीटरमा पनि हामिसंग जोडिन सक्नुहुनेछ ।


प्रतिक्रिया
सम्बन्धित समाचार

यो साता चर्चामा