आइतबार, असोज १६ २०७९
ताजा अपडेट

आफ्नै निर्णयबाट किन ब्याक भए बालेन ? यस्तो पो रहेछ खास कारण !


  • KTM Khabar
  • बुधबार, साउन २५ २०७९
17K
SHARES

काठमाडौं – काठमाडौं महानगरपालिकाका मेयर बालेन्द्र साह (बालेन) ले नर्भिक अस्पतालले बनाएको संरचना हटाउन मानवीय संवेदनाका आधारमा समय दिएको बताएका छन् ।

मंगलबार दिउँसो नर्भिक अस्पताल पुगेर फर्किएका उनले सामाजिक सञ्जाल फेसबुक मार्फत स्पष्टीकरण दिएका छन्, ‘कानुन सबैका लागि बराबर हो भन्ने कुरामा हामी प्रष्ट छौँ । सडकमा होस् वा महलमा होस्, कानुनको पालना बराबर किसिमले हुनुपर्छ । नर्भिक अस्पताललाई कानुनको पालना गर्नका लागि समय दिइएको थियो ।’

नर्भिक अस्पतालले भाडामा लिएको १ रोपनी ८ आना जग्गामा नक्सापास नगरी संरचना बनाएपछि काठमाडौं महानगरपालिकाले सोमबार २४ घण्टाभित्र भत्काउन अल्टिमेटम दिएको थियो । त्यसपछि मंगलबार दिउँसो बालेन आफैं अस्पताल पुगेका थिए ।

त्यस क्रममा नर्भिकल अस्पतालका अध्यक्ष राजेन्द्रबहादुर सिंहले अस्पतालको सेवा प्रभावित हुने भन्दै तत्काल संरचना भत्काउन नसक्ने बताएका थिए । त्यसपछि मेयर बालेन र अस्पताल प्रशासनबीच काठमाडौं महानगरपालिका र अस्पतालका प्राविधिकले तोकेको समयमा संरचना भत्काउने सहमति भएको थियो ।

मेयर बालेनले दिइएको समयमा सुधार नभएपछि कानुनको कार्यान्वयन गर्नका लागि अनधिकृत रुपमा बनाइएका संरचना भत्काउनैपर्ने अवस्था रहेको बताएका छन् ।

‘अस्पतालमा भर्ना भएका वा तत्कालै भर्ना हुन सक्ने बिरामीहरुलाई समस्या पर्ने भएकाले मानवीय संवेदनाका आधारमा थप समय दिइएको हो । सो थप समय कति हुने भन्ने सम्बन्धमा संरचनाको स्थानान्तरणका लागि लाग्ने न्यूनतम समयले फरक पार्ने छ । इन्जिनियरिङ अध्ययनबाट सो समय तोकिने छ’ बालेनले फेसबुकमा लेखेका छन् ।

कुनै कारणले कानुनको पालना गर्न पछि नहट्ने भन्दै बालेनले लेखेका छन् ‘हामी पुनः आग्रह गर्छौं, कानुनको पालना गर्दै त्यहाँ भएका अनधिकृत संरचनाहरु हटाइदिनुहोला । अन्यथा, अन्य कुनै कारणले कानुनको पालना गर्नबाट हामी पछि हट्ने छैनौं ।’


खुशी मिडिया प्रा.ली. द्धारा सञ्चालित KTMKHABAR लाई नेपाली र अंग्रेजी संस्करणबाट पढ्न, हेर्न र सुन्न सक्नुहुनेछ । एप्सबाट सिधा समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुक, युटुब र ट्वीटरमा पनि हामिसंग जोडिन सक्नुहुनेछ ।


प्रतिक्रिया
सम्बन्धित समाचार

यो साता चर्चामा