बुढीगंगामा उदायो सूर्य, निकाल्यो सानदार जित !

काठमाडौँ – बाजुराको बुढीगंगा नगरपालिकाको मेयर र उपमेयर पदमा कांग्रेसलाई पछार्त्दै नेकपा एमालेले सानदार जित हात पारेको छ । कांग्रेसबाट मेयर उठेका रंगबहादुर खातीलाई भारि मतान्तरले पराजित गर्दै एमालेले बाजुराको बुढीगङ्गा नगरपालिकामा सानदार जित हात पारेको हो ।

बुढीगंगामा मेयरमा एमालेका रामबहादुर बानियाँ र उपमेयरमा एमालेकी मायाकुमारी खड्का कुँवर निर्वाचित भएका हुन् । रामबहादुरले ४७७७ मत ल्याएका छन्। यहाँ कांग्रेसबाट मेयर उठेका रंगबहादुर खाती पराजित भए। उनले जम्मा ३७७४ मत ल्याएका छन्।

यस्तै उपमेयरमा मायाकुमारीले ४७२७ मत ल्याएकी छन् भने उपमेयरकी अर्की उम्मेदवार रिता शाही शाहले जम्मा ३७५५ मत ल्याएर पराजित भइन्।

७५३ स्थानीय तहमध्ये एमालेले २०६ पालिका प्रमुख जितेको छ।

बुढीगंगामा वैशाख ३० मा निर्वाचन भएपनि बुथ कब्जा भएको भन्दै असार २३ मा पुन: निर्वाचन गरिएको थियो।