यस कारणले रोकियो सिन्जो आबेको अन्तिम संस्कार !

२५ असार, काठमाडौँ ।

जापानका पूर्वप्रधानमन्त्री सिन्जो आबेको शव टोकियोस्थित उनको घरमा पुगेपनि अन्तिम सस्कार भने रोकिएको छ ।

आबेको शव निवासमा पुग्दा सत्तारुढ लिबरल डेमोक्र्याटिक पार्टी (एलडीपी) का सदस्यहरू कालो पहिरन लगाएर श्रद्धाञ्जली दिन लाइन बसेपनि श्रद्धान्जली दिन प्रधानमन्त्री फुमिओ किसिदा पनि आबेको निवासमा उपस्थित हुने भएपछी उनको अन्तिम सस्कार मंगलवार सम्मकालागी रोकिएको हो ।

दक्षिणी सहर नारामा शुक्रबार बिहान एउटा राजनीतिक कार्यक्रममा बोल्ने क्रममा आबेको गोली हानी हत्या भएको थियो।

हत्याको अनुसन्धान गरिरहेको प्रहरीले संदिग्ध व्यक्तिले एउटा ‘विशेष संगठन’प्रति आक्रोश व्यक्त गरेको जनाएको छ । ४१ वर्षीय आक्रमणकारी तेत्सुया यामागामीका अनुसार आबे पनि सोही संगठनमा आबद्ध थिए । यद्यपि, संगठनबारे थप विवरण केही दिइएको छैन ।