मंगलबार, साउन ३१ २०७९
ताजा अपडेट

रजत जयन्तीको अवसरमा जेभियरले अन्तर विद्यालय प्रतियोगिता गर्ने


  • KTM Khabar
  • शुक्रबार, असार १७ २०७९
2.3K
SHARES

१७ असार, काठमाडौँ ।

काठमाडौँको लाजिम्पाटमा रहेको जेभियर एकेडेमीले स्थापनाको २५औँ वार्षिकोत्सव (रजत जयन्ती) मनाउने भएको छ । उक्त अवसरमा औपचारिक कार्यक्रम गर्नुको साथै अन्तर विद्यालय तथा अन्तर कलेज आर्ट, निबन्ध र चेस प्रतियोगिता आयोजना गर्ने जनाइएको छ ।

शिक्षा क्षेत्रमा आफूलाई अब्बल स्थानमा उभ्याइ सकेको जेभियरलाई देशकै चिनिएको शैक्षिक संस्थाको रूपमा लिइन्छ । विद्यार्थीहरूलाई केन्द्रमा राखेर विभिन्न प्रतियोगितात्मक तथा अभिमुखीकरण कार्यक्रम गर्दै आएको छ । सोही क्रममा रजत जयन्ती जस्तो महत्त्वपूर्ण अवसरमा अन्तर विद्यालय र अन्तर कलेज प्रतियोगिताको आयोजना गर्न लागिएको प्रकाश श्रेष्ठले केटिएम खबरलाई बताए ।

प्रतियोगिता भोलि बिहान ८ः४५ बजेबाट सुरु हुनेछ । प्रतियोगिताका लागि काठमाडौँ उपत्यकाका २६ विद्यालय/कलेजले सहभागी जनाउने छन् ।

भोलि नै विजयी हुने टिमलाई पुरस्कृत गरिनेछ । विजयी हुनेलाई ट्रफी, मेडल र प्रमाण–पत्रद्वारा पुरस्कृत गरिने जनाइएको छ ।

समापन तथा पुरस्कार वितरण कार्यक्रम बिहान ११ बजेबाट हुनेछ ।


खुशी मिडिया प्रा.ली. द्धारा सञ्चालित KTMKHABAR लाई नेपाली र अंग्रेजी संस्करणबाट पढ्न, हेर्न र सुन्न सक्नुहुनेछ । एप्सबाट सिधा समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुक, युटुब र ट्वीटरमा पनि हामिसंग जोडिन सक्नुहुनेछ ।


प्रतिक्रिया
सम्बन्धित समाचार

यो साता चर्चामा