मंगलबार, साउन ३१ २०७९
ताजा अपडेट

एक सिटेबाट तीन सिटे बनेर जसपाबाट बाटो लागे बावुराम !


  • KTM Khabar
  • शुक्रबार, असार १७ २०७९
1.8K
SHARES

फाइल तस्विर

कुनै पनि पार्टीमा नटिक्ने बानी परेका बावुराम भट्टराई अन्तत जनता समाजवादी पार्टी (जसपा)बाट पनि बिदा हुने भएका छन् । उपेन्द्र यादवसँग सहमतीमै पार्टी फुटाउँने सहमती उनले गरिसकेका छन् ।

सहमतीमै पार्टी फुटेको कुरा मात्रै सुन्न बाँकी थियो त्यो पनि बाबुराम र उपेन्द्रले पुरा गरिदिने भएका छन् । बावुराम र उपेन्द्रले केमन्ट्रीनै नमिलेको भन्दै आ आफ्नो बाटो तताउँने निष्कर्षमा पुगेका छन् । उपेन्द्र यादवले कारबाही गरेर हटाएको भन्नु भन्दा सहमतीमा छुटौँ भन्ने कुरामा बावुराम सहमत भएका छन् ।

तत्कालिन नयाँ शक्ति पार्टीको देब्रे आँखो चिन्हबाट काग्रेसको सहयोगमा गोरखबाट एक सिट जितेका बावुराम घुम्दैफिर्दै जसपामा पुगेका थिए अब उनी त्यहाँबाट पनि बाटो लाग्ने भएका छन् । अब उनले के गर्छन् पत्तो छैन तर एक सिटे बावुरामले तीन जना सांसद लिएर जसपाबाट निस्कने बताइएको छ ।

भट्टराईले बुधबार साँझ उपेन्द्र यादवलाई बोलाएर पार्टी फुटाउने प्रस्ताव राखेका भट्टराई निकट एक नेताले बतए । उक्त प्रस्ताव यादवले स्वीकार गरेको र अब सहमतिमा छुट्न दुवै पक्ष तयार भएको ती नेताले बताए ।

सिंहदबारमा भएको छलफलमा भट्टराईले वैकल्पिक शक्ति बनाउने उद्देश्यका साथ पार्टी एकता गरेको र त्यसलाई संगठनात्मक स्वरुप दिन नसकेकाले अब सहमतिमा छुट्नुपर्ने भन्दै प्रस्ताव गरेपछि यादवले छुट्न सहमत भएको एक नेताले जानकारी दिए ।

तत्कालीन संघीय समाजवादी फोरममा एक्लै छिरेका डा बाबुराम भट्टराई चार वर्षपछि बोनससहित बाहिरिने निश्चित भएको छ । अध्यक्ष उपेन्द्र यादवसँगको पछिल्लो वार्तामा सहमतिका आधारमा छुट्टिने र बाबुराम पक्षमा लागेका सांसदलाई कारबाही नगर्ने समझदारी भएपछि उनले बोनस पाउने भएका हुन् ।

तत्कालीन नयाँ शक्ति पार्टीबाट उनी एक्ला संघीय सांसद थिए । प्रदेशतर्फ गण्डकीमा २ र बागमतीमा एक सांसद थिए । वागमतीका सांसद प्रेम तामाङ कांग्रेसतिर लागिसकेका छन् । यसबीचमा बाबुराम संघीय समाजवादी फोरममा पुगिसकेपछि तत्कालीन राजपासँग एकीकरण गरेर जसपा बनेको थियो । जसपा पनि फुटेर राजपाको अधिकांश हिस्सा महन्थ ठाकुरसँगै लोसपा बनिसकेको छ ।

महन्थ निस्किएको ९ महिनापछि बाबुराम पनि जसपाबाट बहिर्गमन हुने निश्चित भएको छ । तर, यो बहिर्गमन विभाजन नभएर सहमतिका आधारमा हुन लागेको उपेन्द्र पक्षधर केन्द्रीय कार्यकारिणी सदस्य युवराज कार्कीले बताए ।

बाबुरामसँगै हालका कृषिमन्त्री महिन्द्रराय यादव जसपाबाट बाहिरिने लगभग निश्चित भएको छ । उपेन्द्र पक्षले तत्कालीन राजपाका राजकिशोर यादव, अमृता अग्रहरी पनि बाबुरामसँगै जाने दाबी गरेको छ । तर, राजकिशोरले भने सो दाबी अश्वीकार गरेका छन् ।

केही दिनअघिसम्म बाबुराम पक्षमा कार्यकारिणी समिति र संसदीय दल दुवैतिर बहुमत पुग्ने अनुमान थियो । तर, एकाएक उपेन्द्र बलियो बनेका छन् । बाबुराम र उपेन्द्रबीच सहमतिमै अलग हुने तर भविष्यमा सहकार्य हुनसक्ने सहमति भएको छ ।


खुशी मिडिया प्रा.ली. द्धारा सञ्चालित KTMKHABAR लाई नेपाली र अंग्रेजी संस्करणबाट पढ्न, हेर्न र सुन्न सक्नुहुनेछ । एप्सबाट सिधा समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुक, युटुब र ट्वीटरमा पनि हामिसंग जोडिन सक्नुहुनेछ ।


प्रतिक्रिया
सम्बन्धित समाचार

यो साता चर्चामा