निर्वाचन आयोगले तोक्यो प्रतिनिधिसभा निर्वाचन हुने मिति

१० असार, काठमाडाैँ ।

निर्वाचन आयोगले प्रदेश र प्रतिनिधिसभा निर्वाचनका लागि मिति तोकेको छ । निर्वाचन आयोगले एकै चरणमा गर्ने भए कात्तिक ३० गते तोक्ने गरी आयोगले अनौपचारिक प्रस्ताव पठाएको संघीय मामिला तथा सामान्य प्रशासनमन्त्री राजेन्द्र प्रसाद श्रेष्ठले बताएका छन् ।

काठमाडौं महानगरपालिकाको नगरसभामा बोल्दै दुई चरणमा गर्ने भए कात्तिक २८ र मंसिर ३ गतेको मिति प्रस्ताव भएको बताएका हुन् ।

“आयोगले दुई चरणमा गर्ने भए कात्तिक २८ र मंसिर ३ गते गर्ने भन्ने अनौपचारिक प्रस्ताव पठाइसकेको छ,” उनले भने, “एकै चरणमा गर्ने भए कात्तिक ३० गते देशैभरि चुनाव गर्ने भनिसकेको छ ।” अब निर्वाचन धेरै टाढा नभएको पाँच महिनाभित्र चुनाव हुने समेत बताए ।