मन्दिर दर्शन गर्न गएका ७२ वर्षीय वृद्ध हराए, खोजी गरिदिन आग्रह

जनकपुर ।

जनकपुर उपमहानगरपालिका वडा १ का एक वृद्ध सम्पर्कविहीन भएपछि उनका परीवारका सदस्यले खोजी गरिदिन प्रहरीमा निवेदन दिएका छन् ।

निवेदन अनुसार जनकपुर उपमहानगरपालिका १ का ७२ वर्षीय विक्रम भगत केही दिन देखि सम्पर्क भएका हुन् ।

आफ्नो बुवा जेठ २८ गते दिउँसो १२ बजेबाट सम्पर्कविहीन भएको भन्दै छोरा धनजन्य भगतले जिल्ला प्रहरी कार्यालय धनुषामा उजुरी दिएका छन् ।

विक्रमका अनुसार उक्त दिन विक्रम भगत जानकी मन्दिर दर्शनका लागि जाने भन्दै घरबाट निस्किएका थिए ।

विक्रम भगतका आफन्तहरुले उनलाई भेटे खबर गर्नसमेत आग्रह गरेका छन् । त्यस्तै प्रहरीले पनि विक्रम भगतलाई कतै भेटे नजिकैको प्रहरी कार्यालय तथा आफन्तहरुलाई बुझाइदिन आग्रह गरेको छ ।

हुलिया

रङ्ग : गहुँ गोरो
उचाइ : ५ फिट ६ इन्च

हराएको स्थान : जानकी मन्दिर

सम्पर्क : ९८१८३४२०२०