मतगणना स्थल पुगेका दुई जना समातिए, यस्तो बन्यो कारण !

६ जेठ, पोखरा ।

मतगणना स्थल पुगेको २ जनालाई प्रहरीले नियन्त्रणमा लिएको छ । मतगणना भइरहेको बेला पार्टीकाे नक्कली प्रतिनिधि बनेर पुगेका दुई जनालाई प्रहरीले पक्राउ गरेको हो । यो समाचार हो पोखरा महानगरपालिकाको ।

पोखरा महानगरपालिकाको मतगणना स्थलबाट दुई जना नक्कली प्रतिनिधिलाई शुक्रवार पक्राउ गरेको छ ।

राजनीतिक दलको गणक प्रतिनिधिको रूपमा नक्कली पास बनाएर गणना स्थल प्रवेश गर्न खोज्ने दुई जनालाई मुख्य निर्वाचन अधिकृतको कार्यालय परिसरबाट प्रहरीले नियन्त्रणमा लिएको हो ।

जिल्ला प्रहरी कार्यालयका प्रवक्ता सुन्दर तिवारीले उनीहरूलाई वडा प्रहरी कार्यालय बैदाममा राखेर थप अनुसन्धान गरिरहेको बताएका छन् । प्रहरीले पक्राउ परेका व्यक्तिको नाम र दल भने गोप्य नै राखेको छ ।