शनिबार, असार १८ २०७९
ताजा अपडेट

गगन थापाको निर्वाचन क्षेत्रमा कांग्रेस रित्तिँदै, काठमाडौँ ४ मा पर्ने सबैजसो वडामा हार्‍यो कांग्रेस !


  • KTM Khabar
  • बिहिबार, जेष्ठ ५ २०७९
2.9K
SHARES

फाइल तस्विर

कांग्रेस भित्र र जनतामाझ समेत लोकप्रिय गगन थापा अहिलेको स्थानिय चुनावमा आफ्नै क्षेत्रमा कमजोर देखिएका छन् ।

कांग्रेस महामन्त्री समेत रहेका गगन कुमार थापाको निर्वाचन क्षेत्र काठमाण्डौं ४ मा कांग्रेस कमजोर देखिएको हो । क्षेत्र नम्वर ४ गगनको निर्वाचन क्षेत्र हो । थापा ४ नम्बर क्षेत्रबाट निर्वाचित भएका लोकप्रिय नेता हुन् ।

गएको निर्वाचनमा एमालेका राजन भट्टराईलाई जितेका थापाको निर्वाचन क्षेत्रमा स्थानिय चुनावमा भने कांग्रेसको पक्कड कमजोर देखिएको छ । काठमाण्डौं महानगरका केही ओडा र बुढानिलकण्ठ नगरपालिकाका धेरै ओडा मिलेर बनेको क्षेत्र नम्वर ४ मा एमाले बलियो देखिएको छ ।

थापाले जितेको काठमाडौं निर्वाचन क्षेत्र नम्बर ४ मा स्थानीय तह निर्वाचन २०७९ मा नेकपा (एमाले)ले जितेको छ । थापाको निर्वाचन क्षेत्रमा बूढानीलकण्ठ नगरपालिकाका ८ वटा वडा र काठमाडौँ महानगरपालिकाका ४ वटा वडा पर्दछन् ।

बूढानीलकण्ठ नगरपालिकाका वडानम्बर १, २, ८, ९, १०, ११, १२ र १३ काठमाडौँको ४ नम्बर निर्वाचन क्षेत्रमा पर्छन् । यी सवै वडाको वडाध्यक्ष एमालेले जितेको छ । यस्तै बूढानीलकण्ठको मेयर र उपमेयरमा पनि एमाले विजयी भएको छ ।

यो नगरपालिकाको वडा नम्बर १ मा एमालेका सुरेन्द्र लामाले ८४५ मत ल्याएर विजयी बन्दा काँग्रेसका उम्मेदवार उत्तम खड्काले ४७३ मत पाए भने वडानम्बर २ एमालेकै राजेन्द्र श्रेष्ठ ११६० मतले निर्वाचित हुँदा काँग्रेस उम्मेदवार जनक थापा १०८३ मतमा चित्त बुझाउन बाध्य भए ।

वडानम्बर ८ मा सुमन तामाङ,९ मा सुमित्रा त्रिपाठी र १० मा नवराज भट्टराई निर्वाचित भए । वडानम्बर ८ मा एमालेका तामाङले १५२२ मत ल्याउँदा काँग्रेस वडाध्यक्षका उम्मेदवार राजाराम थापाले १०६८ मतमात्रै पाए । ९ नम्बरमा एमालेकी त्रिपाठीले ९४८ मतसहित विजयी बन्दा काँग्रेसका गणेशकुमार कोइरालाले ८७५ मत मात्र पाए । १० नम्बर वडामा एमालेकै नवराज भट्टराईले २५८१ मत ल्याएर विजयी बन्दा काँग्रेसका डोरप्रसाद आचार्यले १३११ मत मात्रै पाए । ११ नम्बर वडामा एमालेका राजु अधिकारी १२९३ मत ल्याएर निर्वाचित हुँदा काँग्रेस उम्मेदवार राधेश्याम कार्कीले १२५५ मत मात्रै पाए ।

१२ नम्बर वडामा शम्भु भट्टराई र १३ मा टीकानारायण श्रेष्ठले क्रमश १३७९ र १६८७ मत ल्याएर निर्वाचित बन्दा काँग्रेसका सुनित चालिसे र भरत श्रेष्ठले क्रमश ११४२ र १४७३ मत मात्र पाए ।
बूढानीलकण्ठका ८ वटै वडा बाहेक काठमाडौं निर्वाचन क्षेत्र नम्बर ४ मा पर्ने काठमाडौँ महानगरपालिकाको सार्वजनिक परिणाममध्ये वडानम्बर १ पनि एमालेले नै जितेको छ । यो वडामा एमालेका भरतलाल श्रेष्ठ ६२२ मत ल्याएर निर्वाचित हुँदा काँग्रेसका किरण श्रेष्ठ ५९८ मतमा चित्त बुझाउन बाध्य भए ।

काठमाण्डँै महानगर अन्तरगत पर्ने वडा नम्बर ७ को गणना जारी छ । गगन थापाको क्षेत्र अन्तरगत पर्ने ७ नम्वर वडामा समेत एमाले थोरै अगाडी देखेखिएको मतपरिणाम सार्वजनिक भएका छन् ।

त्यस्तै वडानम्बर ८ को प्रारम्भिक नतिजा नै सार्वजनिक भएको छैन भने ३० नम्बर वडामा एमालेका उम्मेदवार कृष्णभक्त खड्गीभन्दा काँग्रेसका उम्मेदवार दलबहादुर कार्की अघि छन् ।

संसदीय निर्वाचनमा काँग्रेसका थापा र एमालेका राजन भट्टराईबीच प्रतिस्पर्धा भएको थियो । त्यसबेला थापाले २१ हजार ५५८ मतसहित निर्वाचित भएका थिए । उनका प्रतिस्पर्धी एमालेका राजन भट्टराईले १८ हजार १४० मत पाएर पराजय भएका थिए ।


खुशी मिडिया प्रा.ली. द्धारा सञ्चालित KTMKHABAR लाई नेपाली र अंग्रेजी संस्करणबाट पढ्न, हेर्न र सुन्न सक्नुहुनेछ । एप्सबाट सिधा समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुक, युटुब र ट्वीटरमा पनि हामिसंग जोडिन सक्नुहुनेछ ।


प्रतिक्रिया
सम्बन्धित समाचार

यो साता चर्चामा