‘बालेन’ काँग्रेस- एमालेका लागि ठुलो चुनौती, काठमाण्डौँमा सिर्जना र केशव छायामा !

काठमाडौँ महानगरमा स्वतन्त्र मेयरका उम्मेदवार बालेन शाह दुई ठुला पार्टी काँग्रेस र एमालेका लागि चुनौती बन्दै गएका छन् । युवा पङ्क्ति बालेन तिर झुकाव राख्दै प्रचारमा उत्रिए सँगै नेपाली काङ्ग्रेसबाट मेयरको उम्मेदवार बनेकी सृजना सिंह र एमालेका उम्मेदवार केशव स्थापित लाई बालेन चुनौती बन्न पुगेका हुन ।

दुई ठुला दल एमाले र काँग्रेसलाई स्वतन्त्र उम्मेदवार बालेन चुनौती बन्न सक्ने विश्लेषकहरू बताउँदै आएका छन् । ठुला भनिएका दलका उम्मेदवारका अगाडि स्वतन्त्र उम्मेदवार बालेन शाहले चुनौती खडा गर्दै युवाहरूको लर्को सहित घरदैलोमा पुगेका छन् ।

पाँच दलीय गठबन्धनबाट नेपाली कांग्रेसबाट सिर्जना सिंह र एमालेबाट पूर्व मेयर एवं बाग्मती प्रदेशका पूर्वमन्त्री केशव स्थापित, स्वतन्त्र उम्मेदवार बालेन शाहलगायत काठमाडौं महानगरको मेयरका उम्मेदवार रहेका छन् ।

पाँच दलीय गठबन्धनबाट नेकपा एकीकृत समाजवादीका नेता रामेश्वर श्रेष्ठ र एमालेबाट सुनिता डंगोललगायतका नेता उपमेयरका उम्मेदवार रहेका छन् ।

बलियो र पुरानो पार्टीबाट मेयरमा उम्मेदवारी दिएका नेतामाथि स्वतन्त्र उम्मेदवार रहेका बालेन शाह चुनौतीका रूपमा देखा परेका हुन् । स्थानीयहरूले काठमाडौंमा त्रिपक्षीय प्रतिस्पर्धा हुने आङ्कलन गरेका छन् । स्वतन्त्र रूपमा लौरो चुनाव चिन्हमा उठेका बालेन ठुला पार्टीका लागि चुनौती बनेर देखिएका हुन् । उनको पक्षमा युवाहरूको लर्को देखिँदै आएको छ।