निर्वाचनको परिणाम गठबन्धनकै पक्षमा आउँछ : प्रचण्ड

देशभर गरिएको चुनावी गठबन्धन लयमा रहेको नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले बताएका छन् ।

उनले निर्वाचनको परिणाम गठबन्धनको पक्षमा हुने दावी गरेका छन् । चुनावी सभालाई सम्बोधन गर्न चितवन पुगेका दाहालले पत्रकारसँगको कुरामा गठबन्धनलाई कुनै असर नपर्ने बताएका छन् ।

गठबन्धन आफ्नो लाइनमा अघि बढिसकेको छ । अब फैसला चितवनको जनताको हातमा छ , ‘उनले भने ,’ उमेदवारी उठ्ने स्वतन्त्रता कोही पनि नेपालीलाई छ । यसको बारेमा धेरे चर्चा गर्न आवश्यक छैन । ‘

चुनावी परिणाम गठबन्धनको पक्षमा आउनेमा आफू ढुक्क रहेको समेत प्रचण्डको दाबी छ । भरतपुरमा बागी उम्मेदवारी परेको छ  नि भन्ने प्रश्नमा चुनावमा उठ्न सबै नागरिकले पाउने बताउँदै तर नतिजा गठबन्धनकै पक्षमा आउने दाबी गरेका छन् ।  गठबन्धन सफलता तर्फ लाग्दै गएको बताएका उनले आगामी स्थानीय चुनाव पछि गठबन्धनको लहर देखिने समेत ठोकुवा गरेका छन् ।