काठमाडौँ महानगरको मेयरमा कांग्रेसकी सिंह मनोनयन दर्ता गर्दै

पाँच दलीय गठबन्धनको साझा उम्मेदवार बन्ने भएकी कांग्रेस नेतृ सिर्जना सिंहले आज मनोनयन दर्ता गर्दैछिन् । मनोनयन दर्ता गर्न शान्ति बाटिका रत्नपार्कमा मध्याह्न १ बजे भेला भइ र्‍यालीसहित सिंह राष्ट्रिय सभा गृह जाने भएकी हुन्।

सिंहलाई प्रमुख पदको उम्मेदवार बनाउने आजै मात्र टु‌गो लगाएको हो । मनोनयन दर्ता गर्न उनीसँगै उपप्रमुख पदका उम्मेदवार रामेश्वर श्रेष्ठ पनि जाने जानेछन् । उनी नेकपा (एकीकृत समाजवादी)का हुन् ।

सिंहले काठमाडौँ महानगरमा काँग्रेसले स्वतः जित्ने दाबी समेत गरेकी छन् । अगाडिको चुनावमा काँग्रेसले महानगर हारेको थियो भने नेकपा एमालेले जितेको थियो । आगामी निर्वाचनमा सत्ता गठबन्धनको तर्फबाट साझा उम्मेदवारको रूपमा काँग्रेस नेता प्रकाशमान सिंह पत्नी समेत रहेकी नेतृ सिर्जना सिंहलाई मेयरको रूपमा उठाएको हो ।

सत्ता गठबन्धन देशैभर गठबन्धन सहित चुनावमा होमिएको हो । आसन्न स्थानीय निर्वाचन आगामी वैशाख ३० गने हुनेछ ।