विमानस्थलमा तालु र मलद्वारमा भेटियो आधा किलो सुन (भिडियो सहित)

सुन तस्करहरूले विदेशबाट सुन तस्करी गरेर भित्राउनका लागि अनेक उपाय अपनाउने गर्दछन् । तस्करहरूले निलेका सुनका चक्की पेटको शल्यक्रिया गरेर निकालिएको, मलद्वार तथा गाेप्य अंगमासमेत लुकाइएका घटना सार्वजनिक हुने गर्दछन् ।

सुन तस्कर तथा भरियाहरूले पैसाका लागि जीवन नै जोखिममा पार्ने गर्दछन् । हालै भारतमा पनि यस्तै एउटा घटना भएको छ । भारतको नयाँदिल्लीस्थित इन्दिरा गान्धी विमानस्थलमा एकजना व्यक्ति आफ्नो मलद्वार तथा टाउकोको तालुमा आधा किलोभन्दा धेरै सुन लुकाएर ल्याएको अवस्थामा पक्राउ परेका छन् ।

ती व्यक्ति आबुधाबीबाट भारत आएका थिए । उनले तालु खौरिएर त्यसमा सुनको पाता राखेर त्यस बाहिर नक्कली कपाल टाँसेका थिए भने मलद्वारभित्र पनि सुन कोचेका थिए ।

उनले तालु र मलद्वारमा लुकाएको सुन कुल ६३०।४५ ग्राम थियो । त्यसको मूल्य भारतीय बजारमा साढे ३० लाख भारुभन्दा धेरै पर्दछ । ती व्यक्तिले तालुमा नक्कली कपालले छोपेर लुकाएको सुन बरामद गरिएको रोचक भिडियो सोसल मिडियामा भाइरल बनेको छ । एजेन्सी

#WATCH | Delhi: A gold smuggling case booked on a passenger from Abu Dhabi at IGI Airport T3; approx 630.45g of gold worth Rs 30.55 lakhs was concealed inside his wig & rectum. Accused arrested; further probe underway: Customs Commissioner Office

(Source: Delhi Customs) pic.twitter.com/2faJD8f1Vu

— ANI (@ANI) April 20, 2022