युरोपका यी दुई देशले यसै हप्ता नेटोको निर्णय लिने, अब के गर्ला रुस ?

काठमाडौं । फिनल्याण्डकी प्रधानमन्त्री सना मारिनले उनको देश नेटोमा समावेश हुनका लागि आवदेन दिने, नदिने यस विषयमा यसै हप्तामा निर्णय गरिने जानकारी दिएकी छिन् ।

उनको भनाइ यस्तो समयमा आएको छ जब हालै फिनल्याण्डको संसदले विश्वव्यापी गुटको सदस्यताले ‘फिनल्याण्ड र रुसबीचको सीमामा तनाव बढाउने’ भनेको छ भनी रिपोर्ट आएको छ ।

रुसले हालैका हप्ताहरूमा फिनल्याण्ड र स्वीडेनलाई नेटोमा सामेल हुन नदिन चेतावनी दिएको छ । फिनल्याण्ड र स्वीडेन सैन्य रूपमा असंलग्न छन्, तर रूसले युक्रेनमा आक्रमण गरेपछि, तिनीहरूको देशलाई पश्चिमी रक्षात्मक गठबन्धनको सदस्य बन्नको लागि सार्वजनिक समर्थन प्राप्त भएको छ ।

स्विडेनी नेता म्याग्डालेना एन्डरसनले पत्रकारहरूलाई फिनल्याण्डमा पनि ‘गम्भीर विश्लेषण’ भइरहेको छ र यसमा ढिलाइ गर्नुको कुनै कारण आफूले नदेखेको बताइन् । स्विडेनी अखबार स्वेन्स्का डग्ब्लाडले बुधबार रिपोर्ट प्रकाशित गरेको थियो जसमा एन्डरसनले जुनको अन्त्यमा नेटो शिखर सम्मेलनमा सदस्यताका लागि आवेदन दिने विचार गरिरहेको छ भन्ने जानकारी दिइएको छ ।

फिनल्यान्ड र रुससँग १,३४० किलोमिटरको सिमाना छ । क्रेमलिनका प्रवक्ता दिमित्री पेस्कोफले नाटोमा सामेल हुने कुनै दाबी भएमा मस्कोले ‘स्थितिलाई पुनः सन्तुलन’ बनाउने बताए ।

‘हामीले हाम्रो निर्णय कहिले गर्छौ भनेर म कुनै टाइमलाइन दिने छैन, तर मलाई लाग्छ कि यो धेरै चाँडै हुनेछ,’ मारिनले भनिन् । उनका अनुसार नेटोमा सदस्यताले फिनल्याण्डलाई धारा पाँचको संरक्षणको ग्यारेन्टी गर्नेछ, जस अन्तर्गत कुनै पनि सदस्यमाथिको आक्रमणलाई सबै सदस्यहरूमाथि आक्रमणको रूपमा हेरिनेछ ।