अर्थमन्त्री शर्माले डाके पत्रकार सम्मेलन

अर्थमन्त्री जनार्दन शर्मा ‘प्रभाकर’ ले देशको वर्तमान आर्थिक अवस्थाबारे जानकारी दिन पत्रकार सम्मेलन डाकेका छन् । सोमबार दिउँसो ४ बजे अर्थ मन्त्रालयमा पत्रकारहरूलाई बोलाइएको हो ।

गत विहीबार बसेको मन्त्रिपरिषद् बैठकले नेपाल राष्ट्र बैंकका गभर्नर महाप्रसाद अधिकारीलाई छानबिनमा तानेपछि यतिखेर आर्थिक वृत्त तरङ्गित छ । अर्थतन्त्रमा देखिएका समस्या समाधान गर्न नसकेपछि गभर्नरलाई निलम्बन गरिएको भन्दै अर्थमन्त्रीविरुद्ध प्रचार भइरहेको छ ।

पत्रकार सम्मेलन क्रममा अर्थमन्त्री शर्माले देशको वर्तमान आर्थिक अवस्थालगायत आफूलाई विवादमा तान्न खोजिएका मामिलामा पनि धारणा राख्ने बताइएको छ ।

अर्थतन्त्र अस्तब्यस्त भएको भएको हल्लाले अहिले अर्थमन्त्री शर्माको सर्वत्र आलोचना हुन सुरु भएको अवस्थामा अर्थमन्त्रीले पत्रकार सम्मेलन गर्न लागेका हुन् ।

माओवादी केन्द्रबाट प्रतिनिधित्व गर्ने अर्थमन्त्री जनार्दन शर्माले वर्तमान अर्थव्यवस्था तथा अर्थतन्त्र अस्तब्यस्त बनाएको आरोपका विषयमा धारणा राख्न पत्रकार सम्मेलन डाकेको हुनसक्ने बुझिएको छ।