मंगलबार, साउन ३१ २०७९
ताजा अपडेट

संसद् विघटन ठिक छ भन्नु अस्थिरताको पक्षपोषण गर्नुसरह : घनश्याम भुसाल


  • KTM Khabar
  • मंगलबार, चैत्र ८ २०७८
4.3K
SHARES

फाइल तस्विर

नेकपा एमालेका नेता घनश्याम भुसालले संसद् विघटन ठिक छ भन्नु अस्थिरताको पक्षपोषण गर्नुसरह भएको बताएका छन् । मंगलबार पत्रकारहरुसँग भुसालले संसद् विघटन ठिक निर्णय नभएको बताएका हुन् ।

उनले भने, ‘अब पनि संसद् विघटन ठिक छ भन्नु अस्थिरताको पक्षमा हिँड्नु हुन्छ । जिम्मेबार पार्टी नेकपा एमालेबाट यस्तो काम गर्नुहुँदैन । जुन काम हामी गर्दैनौं ।’

‘केहि राजनीतिक कारण छन् । त्यो राजनीतिक कारण भनेको पुस ५ मा गरिएको संसद् विघटन । त्यो एउटा राजनीतिक मुद्दा हो । जहाँ हामी विभाजित छौं । यो कुरा स्वयम् अदालतले संवैधानिक बेञ्चले यो विषयमा निर्णय गरिसकेको छ । र अब यो संविधान रहेसम्म संसद् विघटन गर्न मिल्दैन । सर्वोच्च अदालतको त्यो निर्णय गलत छ भन्ने हो भने यो संविधान भत्किन सुरु गर्छ । ‘

हिजो एमालेको अध्यक्ष ओली उपस्थित बैठकमै नेता भुसालले एकताको प्रस्ताव ल्याएका थिए । नेता भुसालको कम्युनिस्ट एकताको प्रस्ताव ल्याए पछि पार्टी अध्यक्ष समेत रहेका केपी ओलीले झ्याल ढोका फोरेर हिँड्ने हरू सँग के को एकता भन्दै अभिव्यक्ति दिएका समाचारहरू बाहिरिएका थिए ।

एमाले पार्टी अध्यक्ष केपी ओली घनश्याम भुसाल लगायत  केही कम्युनिस्ट एकताको कुरा गर्ने नेता सँग असहमत देखिँदै आएका छन् ।


खुशी मिडिया प्रा.ली. द्धारा सञ्चालित KTMKHABAR लाई नेपाली र अंग्रेजी संस्करणबाट पढ्न, हेर्न र सुन्न सक्नुहुनेछ । एप्सबाट सिधा समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुक, युटुब र ट्वीटरमा पनि हामिसंग जोडिन सक्नुहुनेछ ।


प्रतिक्रिया
सम्बन्धित समाचार

यो साता चर्चामा