आफ्नो कला प्रस्तुत गरेकै कारण किन माग्नु पर्‍यो प्रकाश सपुतले माफी ?

गायक प्रकाश सपुत अहिले चर्चामा छन् । चर्चा हुनुका पछाडि उनको कला हो । तर उनले पस्केको कलालाई माओवादीका भातृसंगठनहरुले बिरोध जनाका छन् ।

यसै बिच गायक सपुतले आफ्नो नयाँ गीत ‘पीर लाई राजनीतिकरण नगर्न आग्रह गर्दै गीतको भिडियोको केही दृश्यले कसैको आत्मसम्मानमा चोट पुगेकोमा माफी समेत मागेका छन् ।

आइतबार सामाजिक सञ्जाल फेसबुकमा स्टाटस लेख्दै गायक सपुतले आफूले देखेका र संगत गरेका व्यक्तिहरुलाई नै आधार बनाएर गीतको विषयवस्तु बनाएको र यसमा सम्बन्धित पक्षको आत्मसम्मानमा चोट पुगेको भए माफी दिन आग्रह गरेका हुन् ।

साथै उनले कसैले यस विषयलाई नियतवश उक्साएर वा निरन्तर निरुत्साहित गरेर एउटा सर्जकलाई दुविधामा नपार्न पनि आग्रह गरेका छन् ।

गायक सपुतले माओवादी युद्धमा भाग लिएका छापामारको कहानीलाई आफ्नू कलाको माध्यमबाट पस्केका छन् । उनले पस्केको भिडियोले माओवादी युद्धको मर्म र भावनामा चोट आएको भन्दै माओवादी भातृ सङ्गठनहरूले  विरोध जनाएका छन् । यही बिचमा गायकले फेसबुकको माध्यमबाट माफी मागेका हुन ।