गीतका सर्जकलाई धम्काउन छोड्नुहोस्, प्रकाश सपुतको गीतले जनयुद्धको विरोध गरेको छैन : बाबुराम

जनता समाजवादी पार्टी सङ्घीय परिषद्का अध्यक्ष तथा प्रधानमन्त्री डा बाबुराम भट्टराईले प्रकाश सपुतको गीतमा आपत्ति मान्नुपर्ने कुनै कुरा नभएको बताएका छन् । प्रकाश सपुतको अहिले बजारमा आएको जनयुद्धको पीडा बोकेको गीत चर्चाको बिषय बनेको छ ।

प्रकाश सपुतको पिर नामक गीतलाई लिएर माओवादी केन्द्रका नेता कार्यकर्ताहरुले बिरोध जनाई रहेका छन् । तर माओवादी जनयुद्धका प्रमुख पात्र मध्येका डा बाबुराम भट्टराईले भने गीतले जनयुद्धको बिरोध नगरेको बरु अपूर्ण कान्तिको पीडा दर्शाएको बताउदै गाएक प्रति खनिनु पर्ने कुनै कारण नभएको बताएका हुन् ।

उनले सामाजिक सञ्जालमा लेखेका छन् ‘म पनि जनयुद्धको एक अगुवा हुनुको नाताले प्रकाश सपुतको गीतमा टिप्पणी गर्ने अधिकार राख्छु र भन्छु त्यसमा आपत्ति मान्नुपर्ने कुरा छैन।गीतले जनयुद्धको विरोध गरेको छैन।अपूर्ण क्रान्तिका पीडा दर्शाएको छ।त्यसनिम्ति क्रान्तिलाई नयाॅ ढंगले अगाडि बढाउने पो हो।गीतका सर्जकलाई किन धम्काउने? ‘

म पनि जनयुद्धको एक अगुवा हुनुको नाताले @PrakashSaput को गीतमा टिप्पणी गर्ने अधिकार राख्छु र भन्छु त्यसमा आपत्ति मान्नुपर्ने कुरा छैन।गीतले जनयुद्धको विरोध गरेको छैन।अपूर्ण क्रान्तिका पीडा दर्शाएको छ।त्यसनिम्ति क्रान्तिलाई नयाॅ ढंगले अगाडि बढाउने पो हो।गीतका सर्जकलाई किन धम्काउने? https://t.co/qrkBDBO0bv

— Baburam Bhattarai (@brb1954) March 12, 2022