५० वर्षमाथिका सबैको मिर्गौला, कलेजो, मुटु अब सरकारले नै निःशुल्क परीक्षण गरिदिने

नेपाली काँग्रेसका सभापति शेरबहादुर देउवा नेतृत्वमा रहेको सरकारले ५० वर्षभन्दा माथि उमेर पुगेका नागरिकको वर्षको एकपल्ट मिर्गौला, कलेजो, मुटुलगायत रोगको नियमित परीक्षण गर्ने निर्णय गरेको छ । यो निर्णय गरे सँगै आम सर्वसाधारणलाई सहजता हुने अनुमान गरिएको छ ।

मन्त्रीपरिषद्को बिहीबार बसेको बैठकले पचास वर्ष माथिका जनताको निःशुल्क स्वास्थ्य परीक्षण गर्ने निर्णय गरेको हो। बिहीबार बसेको मन्त्रिपरिषद् बैठकले ज्येष्ठ नागरिक अस्पताल निर्माण गर्न स्वास्थ्य मन्त्रालयले राखेको प्रस्तावलाई स्वीकृत गरेको छ।

शेरबहादुर देउवा नेतृत्वको सरकारको यो निर्णयले देशभरका आम सर्वसाधारणलाई टेवा पुग्ने बिश्वास गरिएको छ ।  अबदेखि ५० वर्षभन्दा माथिका नागरिकका लागि सरकारले नै स्वास्थ्य सेवाको दायित्व लिने भएको छ ।