युक्रेनी राष्ट्रपतिले घुमाए दिमाग, पुटिनलाई शान्त पार्न गरे बाइडेनलाई तनाव हुने घोषणा

एजेन्सी । युक्रेनी राष्ट्रपति भ्लादिमिर जेलेन्स्कीले चलाखी देखाएका बताइएको छ । उनले पुटिनलाई शान्त पार्न यो चाल चलेको हुनसक्ने बताइएको छ । जेलेन्स्कील अब नेटोको सदस्यता नलिने बताएका छन् ।

रुसलाई शान्त पार्नका लागि उनले यो घोषणा गरेको हुनसक्ने समाचारहरुमा जनाइएको छ । उनको यो घोषणाले अमेरिका झस्किएको छ । उनी दुुई फरक फरक रुसी समर्थक क्षेत्र (डोनेट्स्क र लुहान्सक) को स्थितिबारे सम्झौता गर्नका लागि समेत तयार भएका छन् ।

जसलाई रुसी राष्ट्रपति भ्लादिमिर पुटिनले २४ फेब्रुअरीमा हमला सुरु गर्नु ठिक पहिले स्वतन्त्र राष्ट्रको घोषणा गरिएको थियो र मान्यता पनि दिइएको थियो ।

यो त्यही मुद्धा हो जसलाई रुस र युक्रेनकाबीच युद्धको कारक मानिएको थियो । रिपोर्टका अनुसार नेटो युक्रेनलाई स्वीकार गर्न तयार छैन ।

नेटोको सदस्यता नलिने ठोकुवा गर्दै जेलेन्स्कीले भनेका छन्,‘म यस्तो देशको राष्ट्रपति बन्न चाहन्नँ,जो घुँडा टेकेर केही मागिरहेको होस् ।’

नेटोलाई खतरा मान्छ रुसः रुसले छिमेकी मुलुक युक्रेन नेटोमा समावेश होस् भन्ने चाहँदैन । रुस नेटोको विस्तारलाई एक खतराको रुपमा हेर्छ । किनकी उ आफ्नो ढोकामा नयाँ पश्चिमी सहयोगीको सेना चाहँदैन ।

दुुई क्षेत्रमा सम्झौताको संकेतः युक्रेनमा हमला गरेर विश्वलाई तरंगित बनाउन पूर्व पुटिनले पूर्वी युक्रेनमा रहेका डोनेट्स्क र लुहान्स्कलाई स्वतन्त्र घोषित गरेका थिए ।

अब पुटिन चाहन्छन् कि युक्रेनले उसलाई स्वतन्त्र देशको मान्यता दिनुपर्छ । यो सम्बन्धमा जेलेन्स्कीले आफू वार्ताका लागि तयार भएको बताएका छन् ।