कहाँ रोकियो रुसी सेनाको ४० माइल लामो बख्तरबन्दको लस्कर ?

एजेन्सी । युक्रेनको राजधानी सहर किभतर्फ केही दिनअघि बढेको रुसी सशस्त्र फौजको ४० माइल लामो बख्तरबन्दहरुको लस्कर पछिल्ला केही दिनयता रोकिएको अमेरिकी रक्षा अधिकारीहरुले जनाएका छन् ।

बख्तरबन्दहरुको लस्कर बेलारुसको सीमाबाट राजधानीतर्फ बढिरहेको थियो । बख्तरबन्दको लस्करलाई फेब्रुबरीमा स्याटलाईट तस्बिरमा पहिलो पटक देखिएको थियो ।

‘रुसी अक्षतर्फ कुनै महत्वपूर्ण गतिविधि भएको देखिदैन, ’ एक अमेरिकी अधिकारीको भनाई उदृत गर्दै रोयर्टसले लेखेको छ, ‘ प्रमुख तत्वहरू यी शहर केन्द्रबाहिर रहन्छन् । ’

‘बख्तरबन्दको गति अवरोध हुने क्रम जारी’ रहेको उनको भनाई छ । रसियाले सीमामा जम्मा गरेको सेना उसको सैन्य शक्तिको झण्डै ९५ प्रतिशत भएको अमेरिकी गुप्तचर निकायको अनुमान छ ।

अमेरिकी विदेशमन्त्री एन्टोनी ब्लिन्केनले रुसी सेनाले युक्रेनमा सर्वसाधारणमाथि जानी जानी हमला गरेको आफूहरुसँग विश्वसनीय रिपोर्ट रहेको दाबी गरेका छन् ।

याे पनि पढ्नुहाेस्:

रुसलाई ठेगान लगाउन भन्दै अमेरिका सहित यी शक्तिशाली देशहरुको युक्रेनमा ईन्ट्री, झस्कियो रुस !

रुस–युक्रेन तनावमा अमेरिकासहित पश्चिमा मुलुकहरुको ईन्ट्री भएको खुलासा भएको छ । रुसलाई ठेगान लगाउन भन्दै अमेरिका सहित पश्चिमा शक्तिशाली देशहरुले हात अघि बढाएका हुन् । उनीले युक्रेनलाई आवश्यक हातहितयारहरु निरन्तर उपलब्ध गराईरहेको खुलेको छ ।

पूर्वी युरोपस्थित गोप्य राखिएको विमानस्थल प्रयोग गरेर नाटो आवद्ध देशहरुले युक्रेनलाई अत्याधुनिक हतियार, मिसाइल र विमानभेदी मिसाइल आपूर्ति गरिरहेको खुलासा भएको हो । रुस–युक्रेन युद्ध सुरु हुनुअघि नै अमेरिकाले ठूलो मात्रामा युक्रेनलाई युद्ध सामग्री उपलब्ध गराएको र युद्ध सुरु भए यता आपूर्ति भईरहेको सीएनएनले जनाएको छ ।

रुस–युक्रेन युद्ध सुरु भएपछि युरोपको आकाश अमेरिकी र गठबन्धन देशका सैनिक काग्रोले भरिएको पनि समाचारमा जनाइएको छ । खाशगरी अमेरिकी कार्गो विमान सी–सेभेन्टिनको उडान निकै बाक्लो हुने गरेकोछ ।

अमेरिकी र युरोपेली सैनिक विमानले गोप्य विमानस्थलमा जम्मा गरेका हातहतियार स्थलमार्ग हुँदै युक्रेन पुर्याउने गरेको र अहिलेसम्म यस्तो ढुवानीमा रुसी सेनाको आँखा नपरेको पनि सीएनएनले उल्लेख गरेकोछ ।

नाटोको युरोप कमाण्डले आपूर्तिको ब्यवस्थापन गर्ने गरेको छ । गत शुक्रबार अमेरिकी सेनाका संयुक्त सेनापति जेनरल मार्क मिलेले उक्त गोप्य विमानस्थलमा पुगेर आपूर्ति ब्यवस्थाको अवलोकन गर्नुभएको थियो ।

अमेरिकाले युक्रेनलाई ३५ करोड डलर बराबरको युद्ध सामग्री दिने निर्णय गरेकोमा २४ करोड डलर बराबरको सामग्री युक्रेन पुगिसकेको र बाँकी सामग्री पनि केही दिनभित्रै युक्रेन पुग्ने क्रममा रहेको बताइएको छ ।

नाटो गठबन्धनले केही महिना पहिलेदेखि नै युक्रेनी सेनालाई आवश्यक तालिम दिएको र युक्रेनी फौजले अहिले निकै प्रभावकारी तरिकाले युद्ध सामग्रीको प्रयोग गरेको भन्दै अमेरिकी सन्तोष ब्यक्त गरेको जनाइएको छ ।