ब्याख्यात्मक घोषणासहित एमसीसी पारित हुनु हाम्रो ठुलो सफलता : नेकपा एकीकृत समाजवादी

नेकपा एकीकृत समाजवादीले आफूहरुको पहलका कारण अमेरिकी सहयोग परियोजना जस्ताको तस्तै पारित हुनबाट रोकिएको बताएको छ ।

मंगलबार एमसीसी सम्झौताबारे पार्टीको आधिकारिक धारणा सार्वजनिक गर्न आयोजित पत्रकार सम्मेलनमा एकीकृत समाजवादीले आफूहरुले ब्याख्यात्मक घोषणासहित अनुमोदन गर्ने पहल नगरेको भए एमसीसी जस्ताको तस्तै अनुमोदन हुने खतरा रहेको बताएको छ ।

‘त्यसले देशलाई अप्ठेरो अवस्थामा पु¥याउन सक्तथ्यो, त्यसो हुनबाट रोकिएको छ, यसलाई हाम्रो पार्टीले लिएको अडान र सचेतना अभियानको सफलताको रुपमा लिनुपर्दछ’ एकीकृत समाजवादीको विज्ञप्तिमा भनिएको छ ।

सत्ता गठबन्धन घटक समेत रहेको समाजवादीले एमसीसीलाई व्याख्यात्मक टिप्पणी सहित एमसीसी पास गर्न सहमत भएर एमसीसी सदनबाट पास भएको छ।