प्रतिगामीहरूले एमसीसी चाहियो भनेर मैले पत्र लेख्यो भन्ने झुटो हल्ला गर्दै छन् : झलनाथ खनाल

नेकपा एकीकृत समाजवादीका सम्मानित नेता तथा पूर्व प्रधानमन्त्री झालनाथ खनालले आफू प्रधानमन्त्री हुँदा एमसीसी चाहियो भनेर अमेरिकालाई पत्र लेख्यो भन्ने झुटो हल्लाप्रतिगामीहरूले चलाएको दाबी गरेका छन् ।

नेकपा एमालेका अध्यक्ष केपी शर्मा ओलीप्रति लक्षित गर्दै अहिले प्रतिगामी शक्तिहरुले एमसीसी चाहियो भनेर झलनाथ खनालले भनेको आरोप लगाइरहेको भन्दै त्यो सरासर झुटो भएको बताए ।

आज पोखरामा आयोजित एक कार्यक्रममा सम्बोधनमा गर्ने क्रममा नेकपा एमालेका अध्यक्ष तथा पूर्व प्रधानमन्त्री ओलीले सभालाई सम्बोधन गर्दै झालनाथ खनालको प्रधानमन्त्री कार्यकालमा एमसीसी चाहियो भनेर पत्र लेखिएको बताएका थियो ।

नेता खनालले आफ्नो कार्यकालमा एमसीसीसँग कुनै कुरामा पत्र लेखेको डकुमेण्टहरु लिएर आउन पनि चुनौति दिए । उनले एमसीसीलाई पत्र लेख्ने कुरा डा. बाबुराम भट्टराई प्रधानमन्त्री बनेदेखि सुरु भएको र यो कुरा दिउँसोको घाम जत्तिकै छर्लङ्ग रहेको बताए ।