तत्कालीन ओली सरकारले अर्बौँ भ्रष्टाचार गरेको भन्दै समाजवादी निकट अनेरास्ववियुले अख्तियारमा मुद्दा हाल्ने

तत्कालीन केपी शर्मा ओली प्रधानमन्त्री हुँदा अबौँको भ्रष्टाचार भएको निचोड निकाल्दै माधव कुमार नेतृत्वमा भएको एकीकृत समाजवादी निकट विद्यार्थी सङ्गठन अनेरास्ववियूले अख्तियारमा मुद्दा हाल्ने भएको छ ।

अनेरास्ववियूका अध्यक्ष सुदेश पराजुलीले ओली सरकारका मन्त्री र सिंगो सरकारसँग जोडिएर भएका भ्रष्टाचारको छानविन माग गर्दै बिहीबार अख्तियारमा उजुरी दिने बताएका छन् ।

‘तत्कालीन ओली सरकारका पालमा अर्बौका भ्रष्टाचार भएका छन् । ती भ्रष्टाचार छानविन गरी दोषीमाथि कारवाहीको माग गर्दै हामीले अख्तियारमा उजुरी दिँदैछौ’, पराजुलीको भनाइ छ । ओली सरकारका पालमा ओम्नी, यति, बालुवाटार जग्गा, फोरजी, एनसेल लगायतका भ्रष्टाचार काण्ड भएका थिए ।

समाजवादी दल एमालेबाट अलग भएको लामो समय एमालेको नेतृत्व समालेका माधवकुमार नेपाल लगायत नेताहरूले नयाँ दल एकीकृत समाजवादी जन्माएका हुन् । एकीकृत समाजवादी दल अहिले सत्ता गठबन्धनमा समेला भएर सरकारमा रहेको छ भने एमाले अध्यक्ष केपी ओली अहिले प्रमुख प्रतिपक्षको भूमिकामा छन् ।