कानुनअनुसार नै चुनाव घोषणा भयो, अब तयारीमा लाग्छौँ : एमाले

प्रमुख प्रतिपक्षी दल नेकपा (एमाले)ले सरकारले वैशाख ३० मा स्थानीय निर्वाचनको मिति घोषणा गरेकोमा स्वागत गरेको छ ।

चुनावको तयारीमा लाग्ने एमालेले जनाएको छ । चुनाव समयमा नहोला भन्ने आशङ्का भई रहेका बेला सरकारले समयमानै चुनाव घोषणा गर्ने निर्णय स्वागत योग्य भएको बताएको छ ।

स्थानीय तह निर्वाचन ऐनअनुसार चुनाव घोषणा हुँदैन कि भन्ने चिन्ता बढिरहका बेला सरकारले चुनाव घोषणा गरेपछि अब निर्वाचनको तयारीम लाग्ने एमाले उपपमहासचिव विष्णु रिमालले बताए ।

“कानुनअनुसार स्थानय तह निर्वाचन हुँदैन कि भन्ने अवस्थाले चिन्ता बढाएको थियो ।

तर, सरकारले चुनावको मिति घोषणा गरेको छ,” उपमहासचिव रिमालले भने, “सरकारले निर्वाचन गराउनकै लागि मिति घोषणा गरेको हुँदा अब आशंका गर्ने कुरा भएन । हामी निर्वाचनको तयारीमा लाग्छौँ ।”