सीके राउतका कार्यकर्ताको ताण्डव : डाक्टरको टाउको फुटाए, सांसदको हात भाँचिदिए !

सीके राउत नेतृत्वको जनमत पार्टीले आज जनकपुरमा ताण्डव मच्चाएको छ । जनमत पार्टीका कार्यकर्ताले सरकारी गाडीको तोडफोड गर्नुका साथै  जलेश्वर अस्पतालका मेडिकल सुपरिटेन्डेन्ट डाक्टर सतिश साहमाथि आक्रमण गरेर टाउकोमा गहिरो चोट लागेको छ । एक सांसदको हातनै भाचिदिएका छन् ।

जनमत पार्टीका कार्यकर्ताहरुले जलेश्वर अस्पतालका मेडिकल सुपरिटेन्डेन्ट डाक्टर सतिश साहमाथि आक्रमण गरेका छन्।

जनकपुरको पिडारी चोकमा जनमत पार्टीका कार्यकर्ताहरुले बर्दिबास गइरहेका डाक्टर साह सवार गाडीमा तोडफोड गर्नुका साथै अन्धाधुन्ध भाटा प्रहार गरेपछि साह घाइते भएका छन्।

उनकको टाउको फुटेको प्रहरीले जनाएको छ। उनको अनुहारमा गहिरो चोट लागेर आठ वटा टाँका लगाइएको साहका आफन्तले बताए।

पार्टी कार्यकर्ताहरुले प्रदेस सभा सदस्य अशोक यादवको गाडी तोडफोड गरी उनको हात नै भाँचिदिएको यादवले जनाएका छन्। उग्ररुपमा प्रदर्शनमा उत्रिएका कार्यकर्ताहरुले दश वटा सरकारी गाडीमा तोडफोड गरेका हुन्।