१६ लाख ६० हजार डोज मोडर्ना खोप नेपाल आइपुग्यो

विश्व बैंकको सहयोगमा नेपाललाई प्राप्त हुने मोडर्ना खोपको पहिलो डोज खोप आइपुगेको छ ।

विश्व बैंकले कोभ्याक्स सुविधा अन्तर्गत् नेपाललाई ४० लाख डोज मोडर्ना खोप उपलब्ध गराउन लागेको मध्ये मंगलबार १६ लाख ६० हजार डोज खोप आइपुगेको हो ।

बाँकी खोप पनि छिटैनै आइपुग्ने बैंकले जनाएको छ । यी खोप नेपालका १२ देखि १७ बर्ष उमेर समूहका किशोरकिशोरीहरुलाई लगाइने छ ।

सरकारले कोभ्याक्स सुविधामार्फत खरिद गरेरको ४० लाख डोजमध्ये सोमबार १६ लाख ६० हजार र आज २३ लाख ४० हजार डोज खोप नेपाल आइपुगेको हो ।

यसअघि, विद्यालयलाई केन्द्र बनाएर ५७ जिल्लामा सो खोप दिइएको थियो । अहिलेको लटमा आएको खोप पनि सोही उमेर समूहलाई दिइने स्वास्थ्य सेवा विभागले जनाएको छ ।