दुई महिनाभित्र युरोपको आधा जनसंख्यामा कोभिड : डब्लूएचओ

विश्वव्यापी रूपमा फैलिएको कोरोना भाइरसले विश्व नै आक्रान्त बनाइरहेको बेला विश्व स्वास्थ्य सङ्गठनले युरोपको आधा जनसङ्ख्यालाई दुई महिना भित्र भाइरस सङ्क्रमण हुने बताएको छ । युरोपेली मुलुकमा अहिले कोरोनाको नयाँ भेरियन्ट ओमोक्रोन तीव्र गतिमा फैलिरहेको छ ।

विश्व स्वास्थ्य संगठन (डब्लूएचओ) ले आगामी आठ साता (दुई महिना)भित्र युरोपको आधाभन्दा बढी जनसंख्या कोभिड संक्रमित हुने चेतावनी दिएको छ ।

कोभिडको नयाँ भेरियन्ट ओमिक्रोन फैलिएसँगै युरोपका विभिन्न देशमा संक्रमण दर ह्वात्तै बढिरहेका बेला डब्लूएचओको चेतावनी आएको हो।

पश्चिमबाट पूर्व फैलिएको ओमिक्रोन वेभले सम्पूर्ण युरोप नराम्रोसँग प्रभावित भएको डब्लूएचओका डा. हान्स क्लुगीले बताए । सन् २०२२ को पहिलो साता सम्पूर्ण युरोपमा ७० लाख नयाँ संक्रमित भेटिएका छन् ।

भाइरस पश्चिमा देशहरुबाट बाल्कन्सतर्फ फैँलिदै गर्दा युरोप र मध्यएसियाली देशहरु तीव्र चापमा परेको उनले बताए ।