प्रधानमन्त्रीलाई भेटेर राप्रपा अध्यक्ष लिङ्देनले भने- पृथ्वी जयन्तीमा सार्वजनिक बिदा दिनुपर्‍यो

राप्रपाका अध्यक्ष राजेन्द्र लिङ्देनले प्रधानमन्त्री शेरबहादुर देउवालाई भेटेका छन्।

आज बालुवाटार पुगेर लिङ्देनसहित राप्रपा नेताहरूले पृथ्वी जयन्तीमा सार्वजनिक बिदा दिन प्रधानमन्त्री देउवाको ध्यानाकर्षण गरेका छन्। राप्रपा नेता मोहन श्रेष्ठका अनुसार पृथ्वी जयन्तीका दिन पुस २७ मा बिदा दिन राप्रपा प्रतिनिधिमण्डलले माग गरेको हो।

साथै पृथ्वी जयन्तीलाई राष्ट्रिय एकता दिवसका रूपमा मनाउनुपर्ने पनि राप्रपाको माग छ।  राप्रपाले प्रधानमन्त्री देउवालाई पृथ्वी जयन्तीमा बिदा दिन माग गर्दै ज्ञापन पत्र पनि बुझाएको छ।

राप्रपाले राजसंस्था र हिन्दु राज्यको मुद्दा उठाउँदै आएको छ । राजसंस्था संबिधानत हटेर मुलुक गणतन्त्र आइसकेको अवस्था छ  । तर हिन्दु राज्य र राजसंस्थाको मुद्दा लिएर राप्रपा हिँडेको छ ।