शनिबार, माघ ८ २०७८
ताजा अपडेट

अपेनले गर्यो ‘डाइनामिक लिडर अवार्ड’को घोषणा


  • KTM Khabar
  • बिहिबार, पुष १५ २०७८
836
SHARES

प्रि–स्कुलहरु छाता संगठन एसोसिएशसन अफ प्रि–स्कुल एजुकेटर्स नेपाल (अपेन) ले डाइनामिक लिडर अवार्ड आयोजना गर्ने घोषणा गरेको छ ।

मन्टेश्वरी विद्यालयहरुको हौसला बढाउन अपेन डाइनामिक लिडर अवार्ड–२०२१ को आयोजना गर्न लागिएको जनाइएको छ ।

बुधबार रिपोर्टर्स क्लब नेपालमा केन्द्रीय समितिले पत्रकार सम्मेलन गरेर यही पुष २४ गते भृकुटीमडण्डपस्थित् नेपाल टुरिजम बोर्डमा उक्त अवार्ड कार्यक्रम गर्न लागिएको जानकारी दिएको हो ।

कार्यक्रममा बोल्दै अध्यक्ष बद्रीप्रसाद दाहालले अपेन मन्टेशरी र बालबालिकासँग सम्बन्धित व्यक्ति र क्षेत्रको साझा संगठन भएको बताए । उनले कोरोना महामारीले बालबालिकाहरुलाई शिक्षा दिने संस्थाहरु अप्ठ्यारो अवस्थामा गुज्रिएर यहाँसम्म आइपुगेको उल्लेख गरे । अध्यक्ष दाहालले महामारीको अवस्थामा राज्यले प्रि–स्कुललाई कतैबाट पनि सहयोग नगरेको भन्दै दुःख व्यक्त गरे ।

उनले विशेषगरि यो क्षेत्रमा महिला उद्यमीहरु ९० प्रतिशत रहेको बताए । ५० अर्ब रुपैयाँ बरारबरको मन्टेश्वरीमा लगानी भएको पनि सुनाए । देशभरि अहिले कानुनबमोजिम ५ हजार प्रि–स्कुल सञ्चालनमा रहेको पनि उनले बताए ।

कोरोना महामारीमा धान्न नसेकेर धेरै प्रि–स्कुल बन्द भएको जानकारी दिँदै दाहालले जसले त्यस्तो अवस्थामा पनि संचालन गरेका उद्यमीहरुलाई प्रोत्साहनस्वरुप सम्मान गर्न अवार्ड वितरण गर्न लागेको बताए ।

उनले भने,‘बालबालिकाहरुको क्षेत्रमा विनाशर्त सरकारले लगानी बढाउनुपर्छ । बालमैत्रीहरु, शिक्षा लगानीकर्ताहरुसँग सहकार्य गर्दै अगाडी बढ्ने बातावरण सिर्जना सरकारले गरिदिनुपर्छ ।’

त्यस्तै, कार्यक्रममा बोल्दै संस्थाका केन्द्रीय सचिव उमानाथ निरौलाले अपेन सम्पुर्ण इसीडी पुर्व प्राथमिक विद्यालय तथा किन्डरगार्डेन मन्टेश्वरीको हकहितको निम्ति स्थापना भएको बताए । संगठनमा रही ५ वर्षदेखि निरन्तर काम गर्दै आएका निरौलाले पोस्ट कोभिडबाट सबैभन्दा धेरै मारमा प्रि–स्कुल परेको सुनाए । महामारीको कारण धेरै प्रि–स्कुल बन्द भएको बताउँदै प्रतिकुल अवस्थामा पनि स्कुल सञ्चालन गर्ने ३ सय स्कुलका प्रिन्सीपलहरुलाई हौसलास्वरुप अवार्ड वितरण गर्न लागेको उनले जानकारी दिए ।
अवार्ड वितरणको लागि शिक्षामन्त्री देवेन्द्र पौडेललाई प्रमुख अतिथिको रुपमा निमन्त्रणा गरिने जनाइएको छ।

केन्द्रिय सदस्य कमला अधिकारीले अपेन डाइनामिक भनेको महिलाहरुले नेतृत्व गर्ने संस्था भएको बताईन् । आजसम्म उनले राज्यबाट अपेनलाई कुनै पनि सहयोग नगरेको सुनाइन् । प्रि–स्कुल चलाउदै गर्दा कोभिडले बर्बाद पारेको उनको भनाई थियो । अभिभावकहरुले कुरा नबुझ्नेमा महिलाहरुको चाँही विश्वास गर्ने उनले बताइन् ।


खुशी मिडिया प्रा.ली. द्धारा सञ्चालित KTMKHABAR लाई नेपाली र अंग्रेजी संस्करणबाट पढ्न, हेर्न र सुन्न सक्नुहुनेछ । एप्सबाट सिधा समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुक, युटुब र ट्वीटरमा पनि हामिसंग जोडिन सक्नुहुनेछ ।


प्रतिक्रिया
सम्बन्धित समाचार

यो साता चर्चामा