राजतन्त्र साँच्चै जनतामा पपुलर होकी ! राजावादी राप्रपाको वाइयात हल्ला मात्र ?

अहिले मुलुक गणतान्त्रिक व्यवस्थामा छ । दश बर्से माओवादी जनयुद्धको जग  ६२-६३ मा युद्धरत माओवादी र तत्कालीन सात दल सँग भएको १२ बुधे सम्झौताले गरेको आन्दोलनले मुलुकमा साधैकालागि राजा बिदा भए ।

लामो शासन गरेर  राजा बिदा भए बिदा भए सँगै संविधान सभा मार्फत मुलुकले गणतान्त्रिक संविधान पायो । तर अझै राजाको चर्चा भइनै रहन्छ । तत्कालीन राजा ज्ञानेन्द्र अहिले भूतपूर्व राजा भएर मुलुकमै बसेका छन् ।

नेपालमा अहिले नयाँ संविधानको जगमा गणतान्त्रिक व्यवस्था चलेको छ । तर विभिन्न समयमा राजाको चर्चा विभिन्न माध्यममा चल्दै आएको छ ।

राज मुलुकमा आवश्यक छ भन्दै राप्रपा भन्ने दल सधैँ हल्ला गरेको आम जनताले सुनिरहेका छन् । राप्रपाको अधिवेशनबाट नयाँ अध्यक्ष राजेन्द्र लिङदेन निर्वाचित भएर आए पछि झनै राजको चर्चा र हल्ला मुलुकमा भएको छ । संवैधानिक राजतन्त्र हुनु पर्ने प्रमुख मुद्दा लिएर राप्रपा नेपाल सधैँ कराइ रहेको देख्न पाइन्छ ।

के साँच्चै राजा जनतामा पपुलर छन् त भन्ने प्रश्न उब्जिएको छ । तर यथार्थ फरक छ । मुलुक गणतन्त्रमा होमिएको बर्सौँ भयो । राजतन्त्र इतिहास भइसकेको अवस्थामा राजा फर्किने सम्भावना शून्य जस्तै देखिन्छ । राजनीतिका जानकार भन्छन् अब राजतन्त्र इतिहास भइसकेको अधस्थमा फर्केर आउने अवस्था नभएको बताउँछन् ।

प्रमुख राजनीतिक दलका नेताहरू पनि राजा अब फर्केर आउनु भनेको चिहान बाट मान्छे फर्केर आउनु जस्तै भएको टिप्पणी गर्छन् । तर पुरानो लामो विरासत बोकेको राजतन्त्र हटे पनि चर्चा हुनु स्वाभाविक भए पनि अब पहिलेकै अवस्थामा राजा आउने सम्भावना भने देखिँदैन ।