काँग्रेस केन्द्रीय सदस्यमा पूर्व मन्त्री हृदयराम थानी एक मतले चिप्लिए !

नेपाली कांग्रेसको १४ औँ महाधिवेशनमा पूर्वमन्त्री हृयदराम थानी केन्द्रीय सदस्यमा एक मतले पराजित भएका छन्।

कर्णाली प्रदेशबाट केन्द्रीय सदस्यका उम्मेदवार रहेका थानी कर्णबहादुर बुढासँग एक मतले पराजित भएका हुन्।

कर्णाली प्रदेशबाट राजीव विक्रम शाह, कर्णबहादुर बुढा र महिलातर्फ जानकी सिंह केन्द्रीय सदस्यमा निर्वाचित भए। शाह २८२० मत, बुढा २२०० मत र सिंह २६२४ मतसहित कर्णालीबाट केन्द्रीय सदस्यमा विजयी भए।

निर्वाचन सिमितिका अनुसार थानीले २१९९ मत पाए। उनी १३ औँ महाधिवेशनमा केन्द्रीय सदस्यमा निर्वाचित भएका थिए।

थानी नेता प्रकाशमान सिंह निकट मानिए पनि अन्तिम समयमा शेखर कोइराला समूहमा गएर केन्द्रीय सदस्य उठेका थिए । मन्त्री बनाउनलाई समेत प्रकाशमान सिंहको भूमिका रहेको थियो तर नेता सिंहले आफ्नो समूहमा महामन्त्री उठ्न भने पनि नमानी  कोइराला खेमामा केन्द्रीय सदस्य लड्न पुगेका थिए ।