चिट चोर्न नदिएको भन्दै आरआर क्याम्पसका शिक्षकमाथि कुटपिट !

विद्यार्थीको अचम्मको हरकत आरआर क्याम्पसमा देखिएको छ । चिट चोर्न नदिएकै कारण विद्यार्थीले शिक्षकलाई दनक दिएका छन् । कुटपिटमा उत्रिएका विद्यार्थी फरार रहेको बताइएको छ । शिक्षक सामान्य घाइते भएका छन् ।

चिट चोर्न नदिएकै कारण शिक्षक कुटीनु परेको बताईएको छ । स्नातक तहको आन्तरिक परीक्षा दिइरहेका छात्रले सो कलेजका शिक्षक प्रकाश पुडासैनीलाई कुटपिट गरेका हुन् । परीक्षामा सहभागी कुवेर जेठाराले शिक्षकलाई कुटपिट गरेको बताइएको छ ।

ब्याचलर इन सोसल वर्क (बिएसडब्ल्यु) पढाउँदै आएका पुडासैनीको टाउकोमा चोट लागेको छ । उनलाई बागबजारस्थित काठमाडौं मोडल अस्पतालमा उपचारका लागि भर्ना गर्न गरिएको छ । उनीमाथि आक्रमण गर्ने विद्यार्थी फरार छन् ।