चाक्सीबारीमा पौडेल समूह : सभापतिको साझा उम्मेदवार को बन्ला ?

रामचन्द्र पौडेल समूहको केन्द्रीय समिति बैठक सुरु भएको छ । पूर्व महामन्त्री प्रकाशमान सिंहको निवास चाक्सीबारीमा मंगलबार दिउँसो साढे १ बजेबाट बैठक सुरु भएको हो ।

चाक्सीवारिमा पौडेल समूहको बैठक जारी छ ।  सभापतिको साझा उम्मेदवार को बन्ला भन्ने आम काँग्रेस कार्यकर्ताको चासोको विषय बनेको छ । पौडेल समूहमा वरिष्ठ नेता पौडेल पूर्व महामन्त्री प्रकाशमान सिंह र शेखर कोइरालाले सभापतिको दबी गरी रहेको अवस्थामा सभापतिको साझा उम्मेदवार छान्नु फलामको चिउरा चपाउनु जस्तै हुने पौडेल निकट स्रोतको दाबी छ ।

१४ औँ महाधिवेशनमा पौडेल समूहबाट सभापतिको साझा उम्मेदवार तय गर्न बैठक भइरहेको छ । सोमबार साँझ पौडेल निवास बोहोराटारमा पनि सभापतिका आकांक्षीबीच छलफल भएको थियो । पौडेल समूहमा नेता पौडेल महामन्त्री शशाङ्क कोइराला, पूर्व महामन्त्री प्रकाशमान सिंह र नेता शेखर कोइराला सभापतिका दाबेदार छन् ।