काँग्रेस अधिवेशन : १० हजार कार्यकर्ताको ऱ्याली

नेपाली काँग्रेसको आज हुने बागमती प्रदेश अधिवेशनमा १० हजार जना नेता कार्यकर्ताले हेटौंडामा ऱ्याली निकाल्ने भएका छन् । प्रदेश अधिवेशनलाई दिउँसो २ बजे भर्चुअल माध्यमबाट प्रधानमन्त्री शेरबहादुर देउवाले उद्घाटन गर्ने जनाइएको छ ।

समारोहका लागि हेटौंडाको बुद्ध चोकबाट अधिवेशन स्थल वन विज्ञान अध्ययन स्थान (फरेष्ट्री)मा करिब १० हजार जना नेता कार्यकर्ताहरु ऱ्यालीसहित पुग्ने नेपाली काँग्रेस मकवानपुरका प्रवक्ता एवम् अधिवेशन सचिवालय संयोजक प्रदिप कोइरालाले जानकारी दिए । अधिवेशन आयोजनास्थलमा ऱ्याली पुगे लगत्तै सभामा परिणत हुने उनको भनाइ छ ।

प्रदेशका १३ वटा जिल्लाबाट करिव २ हजार १ सय जना प्रतिनिधि महाधिवेशनमा सहभागी हुने उनले बताए । उनका अनुसार महाधिवेशनमा सहभागी हुन सम्बन्धित जिल्लाबाट चुनिएका प्रतिनिधिहरू हेटौंडा आउने क्रम जारी छ । उनीहरुको बसोबासको प्रवन्ध हेटौंडाका होटलहरूमा मिलाइएको छ ।