ओलीलाइ करोडौँको गाडीमा झापा घुमाको काम लागेन, केन्द्रिय समितीको लिष्टमा दुर्गा प्रसाइ अटाएनन्

व्यवसायी तथा नेकपा एमालेका नेता दुर्गा प्रसाई सौराहमा जारी १० औं महाधिवेशनको बन्दसत्र स्थलबाट निराश हुँदै बाहिरिएका छन् । केन्द्रीय सदस्यको नाम लिस्टमा नअटाएपछि प्रसाईँ निराश भएका हुन् ।

बन्दसत्रमा अध्यक्ष केपी शर्मा ओलीले आफूले तयार पारेको केन्द्रीय कमिटीको सूची पढेर सुनाएका थिए। उक्त सूचीमा प्रसाईको नाम थिएन।

आफ्नो नाम नआएपछि प्रसाई बैठकस्थलबाट बाहिरिएका हुन्। बैठकस्थलबाट बाहिरिएपछि उनले संचारकर्मीसँग प्रतिक्रिया दिँदै भने, ‘यस्तै हुन्छ। त्यसैले चुनाव गरौ चुनाव गरौ भनेको।

आइतवार प्रसाईले बन्दसत्र स्थलमा दिएको अन्तर्वार्ता सामाजिक संजालमा भाइरल भएको थियो। भिडियोमा प्रसाईले बन्दसत्रमा आएर कार्ड भिरेर बस्ने बाहेक अरु केही काम नभएको र निर्वाचन हुनुपर्ने बताएका थिए।