सर्वसम्मत अध्यक्ष बन्ने ओलीको सनकमा रावलको चट्टानी अडान, गरी छाडे अध्यक्षमा उम्मेदवारी दर्ता !

चितवनमा जारी नेकपा एमालेको १० औं महाधिवेशनमा भीम रावलले अध्यक्षका लागि उम्मेदवारी दर्ता गरेका छन्।

नेकपा एमालेको आसन्न अधिवेशनमा नेकपा एमालेका अध्यक्ष केपी ओलीको एक पटक पुन सर्वसम्मत अध्यक्ष बन्ने चाहाना थियो ।  तर उपाध्यक्ष भिम रावलले उनको चाहानालाई पूर्णविराम लगाइदिएका छन् । अध्यक्षमा रावलले उम्मेदवारी दर्ता गराए सँगै अध्यक्षका लागि चुनाव हुने भएको हो । रावलले ओलीलाई हराउन सक्ने सम्भावना निकै कम भए पनि उनको अडानको सर्वत्र प्रशंसा भएको छ ।

सोमबार बिहान ८ बजेबाट सुरू भएको मनोनयमा रावलले पार्टीको आगामी नेतृत्वका लागि आफ्नो उम्मदेवारी दर्ता गराएका हुन्। रावलको प्रस्तावकमा महादेव बजगाईँ, समर्थकमा दूधकला विष्ट छन्।

केन्द्रीय निर्वाचन समितिले उम्मेद्‍वारी दर्ताको समय बिहान साढे ९ बजेसम्म तोकेको छ ।