एमाले राणा शासनभन्दा पनि निरंकुश, भीम रावलको पर्चा बाँड्न लाग्दा गलत्याएर बाहिर !

एमाले अध्यक्षमा उम्मेदवार घोषणा गरेका भीम रावलको पक्षमा भोट माग्दै गर्दा स्वयंसेवकहरूबाट बन्द सत्रको मूल गेटभन्दा बाहिर पठाइएका भिम रावलका कार्यकर्ताले एमाले निरङ्कुश भएको भन्दै आक्रोश पोखेका छन् ।

केपी ओली विरुद्ध अध्यक्षको उम्मेदवारी घोषणा गरेका भिम रावलका कार्यकर्तालाई ओली समर्थक क्रयकर्ताले पर्चा बाँड्न नदिए पछि रावल निकट कार्यकर्ता रुष्ट बनेका छन् । आफूलाई लोकतान्त्रीक अभ्यासबाट नेतृत्व छान्छु भन्ने केपी ओली तानासाही शैलीमा उत्रेको रावल निकट कार्यकर्ताको आरोप छ ।

बन्दसत्रको मूल गेटभन्दा बाहिर पठाइएका एक कार्यकर्ता योगेश बमले एमाले निरंकुश बन्न खोजेको गुनासो गरेका छन् । योगेश बमले भने, ‘हामी त कम्युनिष्टमा बोल्न पाइन्छ, विरोध गर्न पाइन्छ भनेर कम्युनिष्ट बनेर आएको हो । तर यहाँ कम्युनिष्टभित्र पनि राणा शासनभन्दा पनि निरंकुश शासन छ ।

आफूहरु लोकतान्त्रिक विधिबाट नेतृत्व चयन गर्न चितवन महाधिवेशनमा आएको बताउँदै उनले भने, ‘देशभरबाट प्रतिनिधिहरु आएका छन् खर्च भएको छ । हामीलाई यहाँ तमासा हेर्न बोलाएको हो ? आज चुनावको दिन हो, चुनाव गराउनु पर्यो नि ।’