रत्नपार्कका हिरो मुकुन्देले गरे इन्गेजमेन्ट, बिहे कहिले ?

आफूलाई मुकुन्दल्याण्डको प्रवर्तन र दार्शनिक बताउदै आएका मुकुन्द घिमिरे (मुकुन्दे)ले इन्गेजमेन्ट गरेका छन् । रत्नपार्कमा मनमौजी भाषण गरेर उदाएका मुकुन्दे सामाजिक सञ्जालमा भाइरल छन् । विभिन्न नेता तथा राजनीतिक पार्टीका विषयमा टिप्पणी गर्ने मुकुन्दे आफूलाई मुकुन्द ल्यान्डको प्रवर्तक र दार्शनिक भएको बताउँछन् ।

केहि वर्ष देखि उनले आफ्नो चाहाना इन्दिरा नामक युवतिसंग विवाह गर्ने बताउदै आएका थिए । ठ्याकै आज उनले सामाजिक सञ्जालमा तस्बिर अपलोड गर्दै आफुले इन्दिया सँग्रौलासंग इन्गेजमेन्ट गरेको जानकारी गराएका छन् ।

कुनै बेला रत्नपार्कको पिपलको रुखमा चढेर भाषण गरेर चर्चामा आएका उनी अचेल सामाजिक सञ्जालमा सक्रिय र परिचित रहेका छन् । आम मानिस भन्दा आफू फरक व्यक्ति रहेको बताउने मुकुन्देले समृद्ध नेपाल बनाउने परिकल्पनाहरू सार्वजनिक गर्दै आएका छन् । उनले नेपालको पहाडमा रेल चलाउने, तराईमा हेलिकोप्टरबाट मल बिउ छर्ने समृद्ध नेपाल मुकुन्दल्याण्ड बनाउने बिचार प्रकट गर्दै आएका छन् ।